KUKI CHAVANG KUT 2010

KUKI CHAVANG KUT 2010

Motto: Pakai kagam U damsah in.
II Thusimbu 7,14

Hkamty District, Homalin, Myenigone, 1 November
Avei(1) na kuki Chavang Kut hi Homalin, Myenigone ah 2010 November(1)nin akibol in, Pathen panpi jalin hoiselchan jona akineitai. Kut 2010 hi Video Record le Writing Record phatah in akibolin, achomlamin thuhetsah kahin bol un ahi.

Kut thenso nale lhandohna:

31 October nilhahin, khotina kiminphah Haosa hole lamkai ho ahunglhung soh un, jan pung 7:00 in Kut thenso Service akipantai. Pu Seikhojang (KCL & KCK Secretary) in Conductor kin alan ahi. Kut Thempu Revd Zamkholun(E&M Secretary of KCBA)lamkainan Denomination tin Pastor mi(5)in Kutpi thenso, lhandoh taona amangun, Kut Thempu phatthei bohnan Devotion akichaitai.

Jan lenkhom:

Kuki Cultural & Literature Committee President Oya, Thangkholun le Kut Chairman Pu Doumang in Welcome kipa thuseina le Programe phonlhahna anei lhonin, chujouvin, Khangdonghoa kon Rehearsal phat anei un, jan 11:00 in jan lenkhom akichaitai.

Kut kot hon:

1 November jingkah pung 9:0- 11:00 sungin Kut honna aumin, alamkai Oya Thangkholun(Kutpa), Pu Helkhopao, Pu Nguljapao ho ahiuvin, Conductor Pastor Lettinpao, Oyapi Neneng le Ng Lamneilhing ahiuve. Kut pa Oya Thangkholun akon kut kot ahon tah’in khongpi, dahpi ginle gotha pengkul mutgin toh thon, mipi khutbeh gin thongin kutkot akihong tai.
Khangdong hoa kon Nampi lam, Chavangkut lam chule Chungmang pathen vahchoina  la ho banneichan achallhan, Pu Jamkhojang lamkai nan minu mipa hoa kon puchon, pa chon lamkol lasahna le lam na hoitah ahin tholhauvin ahi.
Kut Chairman Pu Doumang a kon Chavang kut boldan leh bollo na doile tup teho seilhahna aneijin ahi.

Jingun hunglha ho:

Kut a hunglhadingin, khopi sunga Sorkal panmunlen neijouse akikouvin, Ama hojong ahung lhasohkeiuvin, Kut kithopi na jong 65000 Ks, apeuvin, Khopi haosalen Secretary pu U Win Aung akon injong houlimna aneijin ahi. Ahunglha khopi sunga jingun hojouse jong  Alunglhai cheh un, kipathu tampi asei un, Kut kot hon kichaijin,Anvahna loupi tah in akisempeh in ahi.

Kutpi jan lenkhom:

1 November nilhah pung 7:00 in Kutpi jan lenkhom akipan tan, Conductor Mr Thang khai le Pastor Lettinpao ho lamkai nan Khangdongho Stage Show, Jatlam, Miss Show chule Artist Jamtinthang (Collage lanu) ho lasah na ho nomtah in akichallhan ahi. Kut Chairman pu Doumang le Pu Jamkhojang akon Kuki Chavang Kut noia bangin alachoi lhonin, jan pung 12:00 in Kut 2010 hoiselin akichaitai.

Pu Doumang labol

1. Nampi lojang than nading (hi nante),  Chavangkutpi lamtolah Omi kikhome.
2. Punggol Omi kikhomna lamtolah, Lungchin, khantong nem uvo kuki khangnou te.
3. Nampi choisang tau hite, Khanglai te, Jang tuilong bang chamdil in, jeitha jekhom un.
4. Bol na veigam vangkholai, Myenigone, Chavangkut membang penna lhakih loujenno.
5. Kawl le phaigam kachonnau gamsiplei, Lhaolhan naobang hoidammo, thangvan chung pathen.

Pu Jamkhojang labol

1. Hamol veigam leilaijah Pupa chonna Chavangkutpi lemkhomute.
2. Namtin lel’a thangdingin domsangute Kuki nammi, ichonnau.
3. Kuki nammi ichonchan Saipi khup le Khamtangbah thon lam ute.
4. Tulai khangthah,khangnou ten, jeitha hat in, inam chonna mangjing ute.
5. Chung pathen in phungvuh hen, inam chonchan, Jang toni bang em jingjeng hen.

Finance Report:

Fundraiser Sub Committee ho ponpanna jalin, Kabaw gamkaia Donor520000,pumin, Total income Ks 1204000, Total Expenditure Ks, 1172510, Amoh Ks 31490 le  meikhao, meilhon tampi amoh in ahi.

2010 KUKI CHAVANG KUT SUMLUT/POT VETDOH NA

Kuki Chavang Kut Doile tup:

Kuki nam pumpi Unity neijinga, nampi khantousah ding, nampi chondan, ngaina ho mansahlouva, khangthah ten chindet nale dopsangna aneithei nadingu, nampi khantou nadinga chihna, thepna, haotheina lama michipha(Human resource) pendoh, sepdoh ding tihohi ahi.

Mailam tohgon:

Avei(1) na Kuki Chavang Kut(KCK) hi Homalin a um Kuki chate dailah na ahin, 2011 kuma pan Hkamty District sunga kuki chate kholen, khoneo ibonchauva Myenigone a iboljom diu, kumdang teng ala nom kho aumleh alah thei dingin, 1 November2010 nia, Myenigone akibol Kuki Cultural & Literature Committee Resolution No.(3) ah phatsahna akineitan ahi. Kut 2010 VCD leh calendar jong hung kihomding ahin, 2011 Kut fund dinga pan ilah cheh diuvin temna ahi.

Kipa thuphon:

Kut 2010 molso theinadinga, Kut Fundraition Sub Committee Mimber jousem, Tamu gamkai fund hol’a che Mr, Thangkhai le Mr Otkhohao hin kithopia, Amani tahjong Kut’a hunglha ah Pu Tongthang le Pu Letkholun, Music Club, Recoration Sub Committee , Stage Sub Committee, Bongchal joukhat’a Kut golvah ankong eisempeh u khotol Haosa holeh anhon Nu Hoikhotin, Nu Nemchinneng le Oyapi Lhingjavei teho, KCL le KCK Meeting jousea jindouna kin eilahpeh jingu NuNengvei leh innsungmite, Mei Engine eitopeh u Pa Jamkholal, Mr Ngamjathang le A.G  houbung teho, Instrument leh avat ijakai eikom u KCBA Office, Myenigone Baptish Church, Methodist MYA le Myma A.G houbung teho, Puchon, Pachon lamkol eiphudoh pehu Pu Jamkhojang leh aloi ho, Pengkul hin kipoh ‘a eihung mut ppeh’u Lhanglen khoa Pu Thangkhojang Jindot kin eilapeh’u Oyapu Ngamlun le Haosapu Thangngam, Stage thingpeh eikom u Mr Doujathang le insung mite, Stage khomdinga Peper eikom’u insungmite ho jouse,Thil lelo ijakai eisuh tuppeh u Mr Tongsi leh Mr ngamjang, Pathen in apeh athepna achihna u hung mangcha ah Mr Jamtin thang(Collage lanu), Pastor Lettinpao(Phailen Youth Pastor), le Mr Paominthang(GTI, Kalay) teho, Kut seculator kin eilah peh’u khotol Meithat ho, Hall sah/phet na le ijakai kin hoa ponpan tah’a kin hinla khotol khangdongte ho jouse, Kut pondal leh Kut Record kin eihin lahpeh’u Mr Tongsei chule Kutpi molso thei nadinga sumlepai, lungle tha a pan hinla muntina um Donor holeh khotol intin chungah Kut kipathu Record ahitai.

pathen in igam u damsah jing tahen.

Copies:
1. Donor jouse                                                                                          (Doumang)
2. Hkamty District sunga Kuki kho jouse                                                           Chairman
3. Kut File.                                                                                            Sodoh Committee
Kuki Chavang Kut, 2010
Date:12.11.2010