Sermon: Thil Neo Cha

Thilneocha ho

Thoukang hi ganhing neo cha khat ahin mi ape teng leh natna le meima aso sah thei je. Bu 5 kakai laiyin thoukang in ka khupbuh te ni ei pepeh in ahi. Thoukang pena chu athah in, a hung na sesoh in ahung pom doh in ahi. Penicillin louva a ka kikapkap nan heu nung aphon den in chule ka khupbuh pom sunga anai ho chu nikhat in nivei jen ka lhohdoh ji un ahi. Kum 10 leng vel bep dia thoh hahtah khat ahi. Tunichan in kakhupa thoukang pena a konin mahapol kapu den in ahi. Hiche mahapol kaput hi ganhing neo cha “thoukang” a kon ahi.

Jesu sopipa James in thilneo cha hia lentah suse thei hoa kona kiven tup ding in eina hilun ahi. “…Lei jong hi tibah neocha ahivangin thil lentah a kichoisang ji ahi. Ven, gammang iten len jongle meisi hal khat’in iti akahvamji hitam!” (James 3:5). Lei hi neo cha ahivang in athilbol set hi len tah asoh theije. Lei-ya kona hung kisei doh paochang hohi thaneitah ahin, setna leh phatna asohsah theijie. Thokang sanga mahalen eipuhsah thei jo u ahi.

Ching theitah leh lim gehcha a thusei ding athupi in ahi. Na thusei ding ho chu phate chan gel in lang mang chan. Nakamchang so chu lung kipasah naa naman ding ham ahilouleh lunghan leh thangtomna seidoh naa na man ding ham?

Mi lungnatna nasei dohsanga nalei chu nape thip apha joi.

Simbeding Bible Chang: James 3:1-12.

Thumotsei hin lunghan aso doh in,
Kamchang se hin hinkho asumangthei ye,
Aphat dungjuia thusei hin lunghan asu nem in
Ngailutna a kisei kamchang chun lungsung adamsahin phatthei na asosah e. Anon

Kiledohna: Little Things. July 18, 2008 Our Daily Bread

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>