Thusoh Lamdang

Neh le chah ahah cheh cheh jeh in mihem te lung gel jong amang cheh cheh tan ahi. Nung jep chun Yangon khopi mun khat a numei khat in chapang phabep agun, an vah lou vin akhum in, nichom khat jouvin Police hon a ga man doh un chapang ho chu akam lhel lhun un ahi.

Tu jing kah in jong Tamu langa ho toh ka ki hou mat na a thusoh khat ahin sei u chu Tamu a chapang khat jong mel het lou, mai kitom mi nin chapang khat guh din agong lhon in, ahin aguh doh masa lhon in heng le kom hon ahin he doh un chapang hinkho chu ahuh doh uve ti thu aki jan ahi.

July 3, 2011 ni jong chun Yangon khopi sunga kihet pi loi ho khat jong Sunday ni a houin akai kah un gu chan ain u asu se un, asunga ana lut un, sum Ks. lakh 80 val jen agu doh un ahi. Hiche thu hi police ho henga alhut u ahin, tuni chan in koi guh ti aki khol doh thei nai pon ahi.

Vannoi leiset gam dang dang sim lou ijat inam sung u leh ichen nao gam le kho sunga jong thil se tah tah jong hung soh ji ahi tan, kigin them lheh angai tai. Mihem kigin hi kigin lou phat jong um kha thei ahin, Pathen ven tup ichan na diuva itao jing u angai lheh tai.

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>