Myanmar Sorkal thah in chung langa Nanyun, Lahe leh Layshi gam hi Naga Self-Administrated Zone in aum sah tan ahi. Chule Kuki te chenna Molvailup jong chu Layshi sub-township khat in asem doh tan ahi.
Hiche gamsunga cheng hi Naga, Kuki, Shan leh Burmese ho ahiuve. Hiche gam sung khan touna ding in Sorkal leh foundation chom chom hon jong sum le pai leh jat chom chom in apan piu uve. Janni Myanmar New Light (September 7, 2012) sunga jong chun pan pi na kipe thu jong ajao ve.
Myanmar Danbu pi bung 5. EXECUTIVE: The Union of Government; No 276 (Formation of Leading Bodies of the Self-Administered Zone), h (i) na dung jui yin, Naga Self-Administered Zone sunga hi Naga hi lou jat dang (Kuki, Shan, Burmese) misim 10000 sanga lhom lou aum leh Leading Body a pang thei ti aum e. Hiche gamsunga cheng Kuki te misim 10000 val ki um lou ding ham.
Hiche gamsunga cheng Kuki te mi 10000 val ki um lou ding ham? Ijem tia 10000 val aum leh Leading Body member 10 lah a Kuki te 1 pang thei ding ahi. Kuki te lah a mi khat ium thei u hi ihetdoh lou u ham? Ahi lou leh ikhoh sah lou u ham? Hiche hi gamsunga cheng haosa upa ho, houbung kiloikhomna lamkai len hon pha ten ngai to leu chun jat le nam a ding in pha chom lheh in te.
Burmese pao cham tuh khat in “A he lo hon kal lhah, ahe hon lah doh a ne†(Ma-tih tu kyaw tua, tih tu phaw sa) ti aum e.
Leave a Reply