Kum 2015-2016 themzil kum aki hong pan kit tai. Tukum a Hope Boarding School a themzil a um hi mi 42 aphan ahi. Hiche laha hi Mr Thang Len Mang (Tingkaya kho) hi tahsa dammo jeh in Hospitala aki jen jing nalaiye.
Themzil chapang ho hi kho (19) kona hung ahiuve. Ahung nao kho ho chu hi le: 1. Moldum kho, 2. Jangnoi kho, 3. Joljam kho, 4. Homalin kho, 5. Aungyeyah kho, 6. Mantou kho, 7. Phailen kho, 8. Valpabung kho, 9. Tamu kho, 10. Namihan kho, 11. Bokkan kho, 12. Kanmahgyi kho, 13. Tingkaya kho, 14. Kanan kho, 15. Khampat kho, 16. Khumnoi kho, 17. Hengjang kho, 18. Sulpi kho chule 19. Songpeh (Aisi) kho ho ahiuve.
Ama ho hi akho akhoa inchen hahsa deh set ho ahiuve. Nu le pa bei chaga jong pha chom pi aum uve. Yangon khopi sunga school aki kahsah lo nao ajeh chu, hahset genthei jeha school kai thei lou ho school kai theina ding, chule mailam teng leh ama ho kho’uva lamkai leh mihil a ahung pan theina diu doi tup ahi.
Yangon’a HBS a aum lai sung un, school akai un, tuition jong akai un, jing kah nilhah seh leh Bible sim leh taokhomna amang jing un, Yangon khopi sunga munthupi ho (National Village, National Museum, Drug Museum, War Cemetery, Zoo, Hlawkaw Wildlife Garden, People’s Park, Mahabandulah Park, Dagon Centre Cinema 3 D movie, Golden Duck Restaurant, etc) ti ho a aki pui jin, mu ding leh hetdia pha thu tampi ajil doh uve.
Taona dia ngaichat um pen ho chu:
1. themzil ho dia panhuna akimu theiya,
2. damsel cha school akai thei’uva,
3. tuition jong akai soh kei thei’uva,
4. exams ho jong sang tah apass theina diu ahiye.
Chule chapang ho dia vaihom, an hon leh lekha hil ho jong damcheh uva, pon tho taha pan alah theina diu vin taokop jing u te.
Kakipah e.
Dr Nehkholal and Nu Kikim
Yangon
Leave a Reply