Jangnoiphai Khomite Anchang tang 128 kihoppeh

IMG_20150809_231624Tuchung gu ha juh jeha tui let in Tamu Township, Jangnouphai kho jong tuijin mun pha chompi ana chup e. Hou in pulpit chung jong kong chen achup in aki seiye.

Tui ahung khan phat in khomite ho chu mun sang lang, school leh playground langa aki khin doh un ahi. Chule inkon khat ho chu vadung toh kigam la, aphai lei languva jong acheng uve.

Kho sung tolpum pi tuijin ana chup jeh in, bon anan den in, kho sung pumpi anamsen ahi. KhosungIMG_20150810_003446a tuikul ho chu haosa upa lamkai hon agang agang in akho theng un, tun man thei mai mai ahi tai.

Tamu langa kona panpuna loi chom chom ache vang in, Jangnoiphai kho lut jou louvin, anoi langa Burmese kho a ngena aki tol u ve ti thu jong akijan ahi.

Nei man hi louvin Pathen leh iminam ngailutna jal in, aki gel khoh in, August 10, 2015 ni chun Rev Lunkhothang (Chairman: Kuki Christian Church of Myanmar) lamkainan, Tamu khopi a Anchang tang 128 aki chon ahi.

Hiche anchang tang 128 chu anchang kijohna kon in Melnal vadung chan truck in aki tol in, hia kon chun Tuikong neo 2 aki kom kit in, Jangnoiphai kho kom, vadung pang chan aki tol lut in ahi.

Vadung pam a kon in khosunga khangdong upa hon pon tho tah in, anchang tang 128 chu khosung a apo lut un ahi. Kho sung a hi in 64 um DSCN7267ahin, inkhat a anchang tang 2 cheh aki hop peh in, numei changpang, haosa upa abonchan akipah soh kei un ahi.

Hitabang toset akito teng, min ama nam ama nam, ama jat ama jat bou agel khoh ji ahin, hitabang ho hi haosa upa, chule numei chapang hon jong het them cheh angaiye.

Athupi pen chu: tahsa leh lhagao lam’a ki THU ngaiya, kipunkhom jing ding gel khoh angaitan ahi.

 

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>