Jerusalem hou in thu

HOU IN LEH JEWS TE THUSIM CHOMCHA

Temple 1                                                       Temple 2                                                                    Temple 3
960 BC                                                          515 BC                                                                         20 BC

Kum 400 vel kimang                                Kum 500 vel kimang                                                 Kum 80 vel kimang

Leng Solomon                                           Babylon a kon hung kile ho                                      Herod Lengpa

Hiche phat kichai teng hileh Pathen lhentum lamkaipu chu dih lou tah a min atha diu ahi. Khopi leh Houin jeng jong vaipo thunei thahat tah khat sepaiten asuhmang diu ahi (Daniel 9:26).

Jesun ajah a, “Hiche in loupitah kisa hi namu ong? Kisumanga song khat chunga song kise-thom him him um lou ding ahi,” ati (Matthew 13:2).

Jews ten gamvaipo’a pang Rome te ho athoh lel jeh un Pakai Jesu thi jou um 33 vel (AD 66 vel) hin Jews ten Rome te chunga gal ahin bol uve. Jerusalem khopi a Rome vaipo te ho chu Jews te hon Jerusalem a kon in adel doh uvin ahi. Syria gama pansa Rome vaipo ho hinsol sepai ho jong chu adel mang peh uve.

Rome lengpa Emperor Nero in AD 68 kum in, Jews te gam lo kit ding in asepai mi 60,000 vel asol kit e. Hiche sepai ho chunga lamkai din General Vespasian apansah in ahi.

Hiche kum, AD 68 chun Rome te lengpa Emperor Nero chu ama le ama aki that tan, General Vespasian chu Nero din muna ahung ding doh in, akhel in achapa Titus chu sepai lamkaiyin apan sah in, Israel te doudin asol e.

AD 70 kum in General Titus lamkai nan Rome sapai te hon Jerusalem kulpi aumkhom un, khopi sunga alut un, Israel mite mihing 600,000 vel athat gamuvin ahi. Hiche hi Jews thusim he Tacitus melchih dung jui ahi.

Jews thusim them khat, Josephus in Israel mite athi jat hi 1,100,000 lhing din aseiyin, tulai thusim khol them (scholars) hon ‘100,000 athat un, chubana mihing 100,000 velma soh in amanguve’ tin aseiyuve.

Hiche khanglaiya Rome thusim them, Dio Chrysostom in Jews te ho hin Rome te khut sunga thi sang in, houin mun thenga thiden ding adei jo un, ama ho leh ama ho meiya akichom lut un, chule ama ho leh ama ho akithat jo tauve.

Gal kichai jou AD 70 August lhakim don in, Rome te hon Jerusalem kulpi ho asu chim uvin chule Jerusalem Houin jong chu asu chim tauve. Jews te namkhat a ahung umdoh thein a diuvin kum 2000 vel sung hesoh genthei ahin thot uve. Vanoi kiloikhomna; United Nations ho vaihomnan Jews te hon 1948 kum chun gamtum ahin nei doh pan kit uve.

The Jesus of the Bible: pp. 303-305.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>