Pathen mapuina jal in, February 28, 2017 nin Yangon pan USA lam a houbung ho leh loilepai ho toh kimuto din ka in kouvin (Nehkholal, Kikim, Solomon Sei Min Lun, Cherry Nem Nei Themleh Noah Lhun Gou Mang) kakon doh uvin, March 1, 2017 nin Seattle-Tacoma International Airport damsel in kalhung uve.
Washington State, a Spanaway khomun in Marcy 1-9, 2017 sung kani chong uve. Sunday nin Rainier View Christian Church a houin ka kaijuve.
March 9, 2017 nin Spanaway pan Seattle-Tacoma International Airport ka jong uvin, car in pung khat val jen ka cheuve. Airpot gate pamlama baggage jouse check in kabol uve. Hia pan in Dalas-Fort International Airport ka jon kituve. Hiche mun a pung 3 val jen ka kichol dou vin, chujouvin kahung leng kit un, Springfield, IL Airport kahung kit uve.
March 12, 2017 nin West Side Christian Church a Sunday School class ho kikhop khomna a houlimna le thuseina kaneiuvin, mipi tampi ahung uvin, akipah thei lhehuve.
March 13, 2017 ni jing kah lam hi 35 degree F. aphan jankhovah in buh bang akhen, invel jouse buh bang adim e.
Jing kah breakfast ka neh jou uvin Springfield Christian School (SCS)’a class 5th Grade ho henga Pathen thuseina 
le houlimna kanei kituve. Sun nung lam in SCS’a Grade 1 ho leh KG class ho henga kipathuseina leh Myanmar gamsung thu ho hilna kanei uve.
Lhathah bu’a “Vanloupi Eden thahnom” la chu Kikim toh kasa lhon in, Sei Min Lun (Solomon) leh Nem Nei Them (Cherry) lamkol in alam lhon in, oiya ho leh students hon avet nom lheh uve.
Nilhah pung 3:30 pm nung lam in Solomon, Jacob, Adylene leh Cherryin innung langa Snow man asem uvin, akichem uve. Cherry dia snow a akichepna akhat veina ahin nom asalheh uve.
Jan lam 7:30 pm in Alive With Christ ho henga minute 15 sung kipathuseina leh houlimna kanei kit uve. Hiche Bible Study ho hin Yangon Hope Boarding School a um Ng. Ngai Nei Chong (Cho Chong) sponsor eibol peh u ahije. Cho Chong hi Tamua Pastor Hem Kho Lun chanu lenpen ahin, lekha sim jong apon thon, lekha jong athem in ahi.
Dr Neh Kho Lal and Family
Leave a Reply