Gotoh dim dem in

Gotoh dim dem in

Mitin in hinkhoa nomtaha akivah na ding atup cheh e. Ahin koima jousen natohpha aki mu doh joupoi. Natohpha nga na dinga hi phataha kigon angai je. Thuchih 4:26 sunga, “gotoh dim demin thil bol jin” atin hi. Na khat toh ding igot teng itoh masanga kigot toh chet hi lo lhinna ahi. Kolte (Myanmar) paochamtuh khat in, “akipatna aphat leh achaina kicheh ding ahi” (A-sah kong hmah, ahnaung te-cha myi) ati.

Galsat ding sepai ho jong khun gal asat masang uva, gam lim leh lam lhah thei na ho, galten ahin del khum theina diu ho, agal te misim ijat ahiu, hem le thal ijat anei u, manchah chomchom ijat anei u ti hi phate cha akhol toh masat jiu ahi. Tahsa taha gal asat masanguva inmun (office) leh ngahmun (camp) mun ho a athu-a, gal asat sat jeng u ahi. Avel vel a akichuh nunguva atahtaha gal sat apat jiu ahi. Phate cha akigontoh lou u leh gal ajou ji pouve.

Hon leh lou natong hi hen, sum kolvei hi hen, themjil hi hen, hou thua kiloikhomna natong hi hen, mihil hi hen, lamkai hi hen, vaihoma pang hihen, mipan pi hi hen, ipia pang hi ta jong leh anatoh ding phate cha kigon toh angai lheh e.

Kigon toh louva natoh hi kho nung teng leh eima dinga boina len tahsoh doh thei ahi. Bible sunga Thuchih bun “go toh dim dem in” ati ahi. Hiche hin asei chu ching thei tah in, tohgon gong in ati na ahi. Chuti lou leh baicha khen a na natoh mang hel ding, na lung gel jong mang ding ahi.

Go toh dim dem a natoh napat thei leh nalung ol ding, nalung kipah ding chu leh na tohgon jong lo lhing ding ahi.

Nehkholal

April 13, 2011

 

1 comment to Gotoh dim dem in

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>