Leading Body

Naga Self-Administered Area sunga Kuki te jong Leading Body mi 10 laha pan thei na dan aum thu khat vei ka hin sei tai. Hiche Area sunga hi 1. Naga, 2. Kuki, 3. Shan te leh 4. Burmese te cheng khom ahiuve. Misim hi Naga te tampen in tin, Kuki te hi ani nan tam pen in te.

MYANMAR CONSTITUTION-2008 Article 15 (page 5) sunga “Misim khutsan thei jat aum leh hiche minam ho chu Gamsung (Self-Administered Area) Dan (Legislature) sem na a thalheng (palai) pang thei diu ahi” aki ti.

Hiche area pum pia cheng misim chunga kisei le, Kuki te ho hi 2 channa hin tin, Dan semna a jong apan u angai je. A jeh chu Dan akisem teng leh cheng khom aki hi jeh in, chondan kibang lou ho chu sei khoma sem khom ngaije.

Chen khomna muna khat sunga Kuki te bou vin dan sem leh midanga dinga hah ding, chutabanga chu Naga ten bou asem u leh jat dang ho dinga hah ding, Shan te bou vin bol kit u leh jat dang a dinga hi jep lou ding chule Burmese te bou vin sem leu hi kit lou ding ahi. Jat le nam cheng khom hon, jat le nam palai ki kim a Dan asem khom u angai je.

MYANMAR CONSTITUTION-2008 Article 17 (page 5)

Constitution-2008 Article 15 sunga kisei sa banga “Gamsunga cheng nam mi te ho thu, adeha kivaipohna (Administration) tohkhom theina dia jat le nam thalheng palai ho pang khom diu ahi” ti ahi.

MYANMAR CONSTITUTION-2008 Article 276: h/1 (page 117)

Self-Administered Area min chong sa jat nam (Eg. Naga) ho tai lou, gamsunga cheng jat dang ho (Eg. Kuki, Shan, Burmese) khutsan thei misim jat aum leh hiche jat ho thalheng Leading Body a palai pang thei ahi.

MYANMAR CONSTITUTION-2008 Article 276: h/2 (page 117)

Leading Body a hi, palai mi (10) pang ding ahi. Mi 10 alhin lou leh alhin tei na dia gon ding ahi. Hiche a pang thei ding ho chu Article 196 (page 72) te-na toh kitoh mi hi ding ahi. Hiche Leading Body lamkai ho chun anoiya tohgon ho chunga pan alah diu ahi:

1. Urban and Rural Projects

2. Construction and Maintenance of Roads and Bridges

3. Public Health

4. Development Affairs

5. Prevention of Fire Hazard

6. Maintenance of Pasture

7. Conservation and Preservation of Forest

8. Preservation of Natural Environment in Accord with Law Promulgated by the Union

9. Water and Electricy Matters in Towns and Villages

10. Market Matters of Towns and Villages

1 comment to Leading Body

  • Lalboi

    Hta bang thil pha mipi het dia nan post thei jeh uvin kipa ume… hav post kibol hi apha lheh in,ahi thei le ami te kom a jong amun a ga ki sei p intin guide kibol p thei le pha d ham ka ti ahe…

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>