Israel Gam Caesarea Khopilui

CaesareaCaesarea khopi hi Herod Lenglen pan 22 BC kum a ana tundoh ahi. Rome te vaipohna munpi (capital) umna mun ana hi. Pontius Pilatus ana chen thu thusimlui kisutna sunga a akimu theiye.

Juda gama kona Paul hung kipui doha aum sahna mun ahi. Juda te hon Paul houthu lamdol jeha tha dia achan lhin u, Juda gamvaipo Claudius in ahe doh in, Paul hi Rome ahi jeh in, asepai ho asol in, Paul chu Caesarea khomuna aga thah sah ahi (Acts 23:26-35).

Fetus in Jerusalem a Thempu ho leh Juda lamka ho henga, “Paul Caesarea akikoiyin chule keimatah jong chu koma che ding kahi; hijeh chun keitolhonin nalah-uva thu neidom chengse cheu hitin, hichepa hin suh khel toh khel anei le amah on aheh nom nomin heh-u hen” ati. (Acts 23-36).

Caesarea mun a hin Cornelius leh ainsung mite jong ana chenguve. Cornelius hi Italy sepai ja lamkai ahin, hougut tah, ama le a-insung mi aboncha Pathen gingte, miho thilpeh a hongphal tah, chule Pathenna tao jing mi ahi (Acts 10:1).

Caesarea khomuna hin Lekha kholna (library) lentah ana umin, Christian houthu lam khol ho kimna mun jong ahin chule “Houbung Thusim Konna Bulpa” tia minthang Bishop Eusebius chenna mun jong ahi.

Tukhang hin hiche mun hi ‘malai khopi munlui khat’ ahi dung jui jin, pha te chan aveng tup un ahi. Hiche muna hin Herodian khang, Roman khang, Byzantine Cardo khang, chule Crusader khanga manchah thil lui ho leh chenna in, hou-in, kichepna mun, kidelna mun leh muthupi lui tampi muthei yin aum na laiye.

October 12, 2014 Sunday nia ka ga cheu ahije.

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>