Chamna thuhilou, chamjam thu

Matthew 10:34 sunga Pakai Jesun leiset’a ahung hi chamna boldia hung hilou, kidouna bol ding joha hung ahidol aseiyin ahi.

Iti dana Isaiah 9:6 sunga “Chamna leng Chapa” tia kiseiya, kidouna bol dia hung joha kisei kit ham ti hi mikon khat dia lung donna thei tah khat ahi.

“Chamna leng Chapa” akiti lona ajeh pipen tah chu Pathen le Asemsa mihem te kikaha chamna thu dol asei nomna joh ahi. Hiche Pathen le Jesu Christa a kon chamna chu mihem ten i-nei tengu le chamna thu chu Pathen le eiho kikah ahin chule eiho khat le khat kikaha chu um jeng ding ahi.

Jesun, “Chamna thudol hilou chamjam thu dol,” ati na ajeh chu thutah dinpi ho le thutah dinpi lou ho kidouna ding thudola asei ahi.

In sung khata jong Pathen deibol le bol lou ho kikaha kinah le kidou um jing ding tina ahi. Pa le chapa, nu le chanu, tehpi le mounu kidou sah dia hung ahithu asei hi thutah le thulhem ading aumteng insunga kinahna aso thudol asei ahi.

Pakai Jesu thuhil i-bon chauva tahsan tahtah i-hi cheh tengu le Pa le chapa, nu le chanu, chule tehpi le mounu kikaha kidouna ho chu beiyin tin i-yakai i-yakaiya chamna thu jeng hi ding ahi taiye.