Pathen Thangvahna

Pathen Thangvahna

Kukite hi natoh pon tho te ihiuve. Khosunga moh um ti ana um behseh poi. Amitin in toh thei thei ahintoh cheh u ahin puhsui kiti hi ana um behseh poi. Ahin tukhang in nehlechah ahung hahchehcheh tan ipi pen ngoh ding ti jong sei hah ahitai. Gamlelei got jeh ahi dem ahilou leh phatthei inachan u chu ina man them lou jeh u hi ding ham. Inchen khohsah tun doh tei lungtupnan sum hol theina mun mun jon tam pi aum tai. Mun chom gam chom lhunga sum le pai tampi mu jong aum in, ngaito banga sum le pai mu jou lou jong tam pi aum e. Hitobang hinkho iman laitah uva igel doh diu dei um tampi aume.

Israelte Egypt gama kona ahung potdoh jou nikho phabeh chun Egypt gama kona ahinkipoh nehlechah jouse abeitan neh ding ana nei tapouve. Ahin Pathen in vana kon in “niseh” a aneh khop diu an neh (manna leh vami: Genesis bung 16) an ape jing e. Hiche chu ni khat aneh diu nikhata apeh ahin koi man ana khol thei pouve. Nikhat aval leh neh thei ahi ji ta poi.

Pakai Jesun jong aseijuite ho Taodol ahilnaa “Tuni a kaneh khop diu an neh neipouvin” (Mt 6:11) tin ahil e. Midang ho nei nei nei ding itup le i-lung u chol lheh in te. Ahin nitina Pathen in nehding mu theina lampi eigon pehnao chunga Pathen thangvah jing ute.

Ninglhinna leh lhinlelna um jong leh Pathen thangvah jing ute,

Aman idiu va agel a um jing nai ti tahsan lel poute!

Nehkholal

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>