Kihou mo jeha Sum Chaan Lo
America gam Indiana State sunga Indianapolis khopi mun a, achesa kum 10 pan in Mynmar gami akum kum in ahung cheng lut un, tun mi 6000 val jen ahung cheng lut tai. Hiche lah a hi Karen tham khat ajao vin atam jo chu Hakha, Falam, Zophei, Thangtlang, Matupi, Zo, Tedim, leh achom chom ahiuve.
Indianapolis khopi sunga America ten angai lu thei lheh un pan hu thei thei nan apan hu jing uvin ahi. Genthei hahsa ho pankhom theina ding mun khat nei ding in apo na lhehun ahi. A chesa kum pha bep chun Indianapolis khopi mun a “African Center†khat ahong un, Africa kon hung jousen aphat chom pi lheh uve. Hitabong chu anabol peh nom u ahi.
Nung jep chun America ho khat in “African Center†banga “Myanmar Center†bol peh ding ti lung gel anei jin, Myanmar gammite ho akou khom un, ki hou limna anei un ahi. Ama pan gentheihahsa ho pan hu thei na ding mun semdohna din US $ 300,000 jen atoh doh in ahi.
Hiche ato doh jou chun Myanmar gamsunga kon hung hon hiche sum man ding dan chu asei khom u leh asei chai thei ta pouvin ahi. A deh in jat lhom ho a kon in ima boi na aum pon, jat tam deuh ho thunei nom jeh in sum man na ding thu lhuh abol thei ta pouve.
Chutia summan na ding dol leh amang ding ho thua akinel boi den u chu sum toh pa leh Americans hon amu un alung hi mo lheh uve. Nasa tah a boi lo diu amu phat un, sum toh pan a sum peh sa chu aki le lah doh kit tan ahi. Hitabong hi mun tin a khat vei vei leh akitoh kha ji e.
Hiche hin ei hil u chu ahi leh jat leh nam ding hi hen lang, houbung ding hi jong leh kihou toh thei na aum lou teng leh ichan diu thil pha tam pi jong ichaan lo jiu vin ahi. Hiche ding achu mipi phat chom na ding leh khantou na dinga igel leh ichan ding diu ho chu ichan diu ahi. Chutilouva kinel bao tamna leh kinahna ding ahi leh ichan diu jong chu kichaan lo diu ahi.
Nehkholal
November 25, 2010.
Leave a Reply