U Thein hi Nakhongyi kho, Irrawaddy Division sunga cheng ahi. In sung mi abon un sagi ana hiuve. 2008 kum chun achennao tuipi pang josue Huipin (Cyclone Nargis) a na chup in ahi. Hiche kum a thi chu abon a mi 130,000 val hi sap ahi.
Hui pi chu nilhah lam pung 4 vel a hung kipan ahin, ain u son thei ahi lou jeh in ahon sung uva keh thing bul neo ho kituh ding in alhai cheh un ahi. Hia chun kung bul ho chu atuh un phat chom khat hui ahung thip e.
Chujouvin Huipi ahung nung kit in, ain u chu aseh on jeng tai. A in u chu bel thei ahi tah lou phat in pam langa alhai doh kit un, tol lhanga akun cheh uve. Chujou vin khom khat atuh kha un, khom jet le vei chu akoi chah kheh uve. A ji nu hin khom akoi mantah lou jeh in aji pa kong chu aki tuh in ahi.
Hui pi chu tang chom louvin ahung ha nun cheh cheh jeng tai. A ji nu, amou nu leh atu le chate jouse chun khom atuh jou lou phat un ain lam u adel kit uve. A in khom ho tuh thei thei akituh cheh un, ahin vang set um tah in khopi hui chun abon un alhoh mang tai.
U Thein hi ainsung miten khom alhauva ache nung uva pan chu kho ahe ta poi. A jing nikho jingkah lam pung 8:00 don chun U Thein chu khosunga amoh cheng hon Thingphung khat kah a amu doh uve. A kal un aga la lha un ahi.
U Theing chu jan kho vah a thi mil dan ana hi tai. Hiti chun khosung mite chun alo lo u leh kho ahin he doh kit in ahi. Ahin angai lut tah aji nu leh amou nu, acha leh atu te jouse huipin anasem mang tan ahi. Myanmar gam ka ki nung le nung in U Thein te kho ka ga chen lhamon na thu ka ga sei peh e.
U Thein toh ka ki hou limna lhon Tube (http://www.youtube.com/watch?v=GAsFKW1EXUE) a kon vet thei ahije.
Nehkholal
Leave a Reply