Pathen Na Tong Khomdia Ei-tem (2)

Pathen Na Tong Khomdia Ei-tem (2)

Ka ki het pi ho khat in gal a kon in phone ei hin bol in houbung khat a um khom ding thu ahin sei je. A hin sei naa “Oiyapu, ka sopi ho leh kaphung le chang um na kho ho ka khol in, mailam a houbung khat a um khom ding ka ki thum kim uve” tin ahin sei je. Insung khat, phung khat Christa Tahsan khat ho houbung khat a aum thei diu chu thil pha tah in ka gel e.

Chule tua katoh khompi houbung laha houbung lhacha ho mit mo na leh miten adei mo nao jong ahin se be kit e. A chaina a ahin sei chu ahi leh “kei ho phung se se na houbunga hung lut u leng lhalaw nei gon peh thei jinna tem?” tin ei hindong e. Hiche thu hin pha bep ei hil e.

Ahin thusei hi aman jong apha pen dinga ahin gel ahi nai. Hitabanga gel jong tampi aum e. Hiche ka kihoulimna lhon a kona gel doh thei ho chu ahi leh “na houbung,” “lhacha ho lhahsamna hin sei,” leh “lha law” thu ho hi ahi. Houbung hi Christa houbung joh ahin, isopi lhahsamna chu pansah na nei lou ding, sum le pai hi tahsan chate pan khomna kon hi ding dol ahi.

Houbung hi mihem tun doh a gel kha mi tam pi aum ji e. Hobung hi Christan a thisan a atun doh houbung ahin, ama tahsan jala chu tahsanchate kiloikhomna hung um doh ahi. Khat vei vei leh Houbung hi Christa tahsa na a pan sa louvin phung le chang tam a kon hatdoh sah ding aki gel kha ji. Houbung hi Christa thuhil tahsan det a kon a bou ding det ding ahi.

Pakai Lhacha

Nehkholal