Nay-pyi-daw Khol Jina


Napyidaw

Naypyidaw

July 23, 2011 nilhah lam pung 6:00 pm in Yangon pan in Myanmar gamkhopi thah Napyidaw ka jon un ahi. Jan pung 10:00 pm in ngahmun a jan an ka ne un, pung lang ka kichol dou ve. Jan pung 10:30 pm in ka kon doh kit un, Napyidaw khopi chu jing kah lam pung 1:00 am in damsel chan ka ga lhung uve.

Jin lhun na in tampi aum in, in nom ho chu nikhat lhun man sang som ni lang ngen ahi. Ahin Municipal ho jinlhun buh chu nikhat a Ks. 3500/- bou ahin hiche mun a ka geh un ahi. Mun vang atheng behseh pon, ahin mundanga ge sang in sum abei lhom e.

Jingkah pung 8:00 am in kajinlhun nao va pan in car khat ka kom un, gencha kivahna mun Zoo, Safari Hon, gamsung vaipo len ho natohna mun ho ka ga ve le un ahi. Chubana Napyidaw a Saya Haopu leh aloinu chenna mun ajong pung khat sung ka lut pao ve.

Nilhah lam pung 5:00 pm in Myomah Market a Bus parking mun ka le lhun kit uve. Car kom man hi sum sangsomnga ka pe uve. Phat dia lom mun jouse ka pha un, car kom man jong aum nai je. Mailam a jin le hon jong car kom a jin ding aphai. Ijemtia phat le hun nei jou dia vang line bus tou apha joi.

Ni lhah lam pung 6:00 pm in Napyidaw pan ka hung kon doh un, jan pung 8:00 pm jan an ka ne un, pung 8:30 in ka hung kon doh kit uve. Jan pung 11:00 pm in Yangon khopi Aungmingalar Bus ngah mun ka hung le lhun uve. Car khat sangli leh janga in ka kom kit un, kachen nao in mun jan pung 11:00 pm in damsel chan ka hung le lhun kit uve.

Hiche ka hin tah lou na pen chu ahi leh mailam a koitabang Napyidaw jin nom aum leh thu le thil umchan ho het ding deisah na ahi.

Nehkholal

.

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>