Ot Kho Thang Hinkho Thusim

Saya Ot Kho Thang Hinkho Thusim

Saya Ot Kho Thang hi 1955 kum in ana peng in ahi. Kum 1974 kum in Bokkan kho a Miss Boinu (Ting Za Lhing) toh ana ki chen lhone. Pathen phatthei bohchan jal in tun cha nu chapa 6 anei lhon e. 1. Ahde Lam Kho Kai (B. Th., M.A) 2. Mr. Hem Kho Ngam (B. Th) 3. Miss Ngah Kho Kim (B. Th), 4. Miss Lamnu, 5. Mr. Lam Kho Lal (B. Sc First Year) leh 6. Samuel hi tukum bu 10 kai ahiuve.

Saya Ot Kho Thang hi akhan don laiya Pathen ngailu a Houbunga pan ana lah jing ahi. Pathen natoh lung lut mi tah leh Pathen thusei phonga kum tam tah hung pang ahi tai. Zomi Baptist Convention tohgon Chin for Christ in One Century (CCOC) a 1989 kum pan 1991 (kum 3 sung) a Southern Chin State (Kanpalet Township) a Pathen na ana tong e. CCOC tohgon kingah jouvin, Kabaw Valley Thadou Baptist Association pan hu nan kum 3 Kanpalet Township a apang den in ahi.

Chujouvin ZBC leh KVTBA in Kanpalet Township langa mission natoh ahin nga un, ahin Kanpalet gama Pathen natoh da lhah thei ahi lou jeh in agam mun a a insung mite toh acheng den un, hiche gama Pathen natong nom ho khat le ni toh ahin tong khom kit un ahi.

Kanpalet gamlanga tahsan chate ho ama ho leh ama ho kilamkai thei din mun chan ahin toh  doh jouvin, chate themjil khohsah na jal in June 1, 2008 kum chun a insung mite abon chauvin Yangon khopi a ahung kichon lut un ahi. Yangon a aum sung in Pathen na toh thei thei na a atong in, chuleh Tamu leh Homalin langa khangdong ho gamdanga natonga che nom ho pan hu thei thei na a apan hun ahi. Ama a kon a gamdanga natong a che leh natong pha jong aum doh tai.

Yangon a ahung chen a pan in khangdong ho kiloikhomn (KSF) a a jong pan ala jing in achen nao in a jong kikhop na anei ji un ahi. Kum 2010 kum a KSF National Village a kikhopna a jong Thupi sei jin jong apang in ahi. Pathen leh jatlenam mite ho khohsah jal in khang dong te jong atha peh jing in ahi. Mailama Pathen houkhom thei na ding leh damlou chu leh genthei hahsa pan hu ngai chate ho panhu thei na lama pan la nom khat jong ahi.

Kum 2011 a pan in Yangon khopi a Kuki Worship Service a pastor in pon tho tah in apang e.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>