Impromptu Talk Competition First Award

Award

Yangon University a English Department lamkainan “Impromptu Talk Competition” kitet na February 17, 2012 (janni) chun aki bol in ahi. Jing kah lam pung 10:00 am pan sun 12:30 pm chan ahi.

Hiche a hin Yangon University a department chom chom a kon students ho leh oiya ho mi 12 kitet na a, ka pang uve. Hiche kitet na a hi English pao va kitet na ahi.

Hiche kitet na a kisei ho chu:

1. What I can do to conserve the environment

2. Common problems modern cities are facing

3. How our lifestyle has changed due to modern technology

4. The Impact of Advertisements have on us

5. Activities that can strengthen the ties between nations

6. The advantages and disadvantages of having disagreements in workplaces

7. How my outlooks on life have changed as I grow older

Hiche thu lu 7 toh kilhon a ki tet na ki bol ahi. Thu sei ding ho hi aban bana amin ana gol toh sao ahin, ka ga vet leh kei min (Neh Kho Lal) ama sa pen a ana koi un, ama sa pen ding ka hi jeh in ka lung ling lao thim e.

Kitet ding phat ahung lhin phat in, ka min ahin kou vun amai lam a ka ga chen, box sunga akoi u Thu lu ho chu ka so leh “Common problems modern cities are facing” ti ka soh doh in ka hi. Chu in din na ding mun chung langa ka kal tou vin ahi. Ka min leh ka hin na ka sei jin chu jouvin ka thu sei ding thu lu chu ka sei je.

Hiche kaso doh thu lu toh kitoh in Minute 3 bou ei houlim sah un, chu jouvin Judges mi 3 in thu doh 3 ma ei nei kit un ahi. Hitabang ma chun ka ki tet pi adang ho jouse jong ahi thei na cheh un pon tho tah in asei cheh un ahi.

Ka thu sei u kichai chun koi koi ipi position angai ding ti chu kangah lel lheh uve. Ka kom a tou ka ji nu (Vah Nei Kim) in jong lung lut tah in angai jin, chu le kon prize nga ding ti hung kiphong ding chu ti ja pum in angah lel lheh in ahi.

Kitet na aprize nga ho chu a 3 na (Third) nga chu mi 2 ahin, amin lhon ahin phong un, ka min ajao pon ahi. A 2 na (Second) nga jong ahin phong kit un ka min ahi kit pon ahi. Achainan a 1 na (First) nga min ahin phong un, hia chun ka min (Neh Kho Lal) ahin phong un ahi.

Yangon University level a kitet na ahi jeha chu kitet na a jao tei ding chu ka tup ten lhon ahi, Pathen henga jong ka tao lhon in, “Pathen in Daniel leh aloi te ho thum Babylon gama, miching ho sanga alet 10 a chih na apeh leh kei jong chihna ei peh ding ahi” ti chu ka tahsan ahi.

Ka tahsan ma bang in Pathen in chihna leh hetna ei pen mi 12 laha akhat na (First Award) ei chan sah e. Pathen min lou pi jing ta hen! Kitet na lim leh prize san pet lim ho hiche vah hin ka hin tah doh poi, ajeh chu Sorkal toh gon ahi jeha phal peh na um louva tahdoh thei lou jeh ahi.

 

Nasopiu

Neh Kho Lal

1 comment to Impromptu Talk Competition First Award

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>