HBS Students ho Lhandohna

Let Kho Lal, Kam Hao, Neng Nei Chan, Neng Ja Lam, Lhing Nei Lam

June 23, 2012 Sunday nikho chun Hope Boarding School a themzil ho taopehna kin a ki mang in ahi. Hiche taopehna kin a hin Rev Thong Hlun leh insung mite ho jong ahung pang un ahi. Pastor pun Psalm 119:105 a sim in, Pathen thua tilkhouna anei jin, sun an neh khomna aki nei je.

Chule June lha sung a peng ho taopeh na jong aki mang e. June lha peng ho: 1. Let Kho Lal (á‚ŠTuidimjang), 2. Kam Hao (Bokkan), 3. Neng Nei Chan (Tamu), 4. Neng Ja Lam (Tuidimjang) leh 5. Lhing Nei Lam (Bokkan) ahiuve. Ama ho leh ain sung mite dia taopeh na jong aki nei je.

Gl Let Kho Lal hi ache sa kum 10 vel laiya chu apa leh apu pa ni khat go satna ache na lhon a ani lhona kithat a, Tuidim va dunga along dam sa lhon ki hol doh ahi. A pa thi jouva pat in anu leh aputen avah jou lou phata a u pa Let Kho Kham toh Yangona ka pui suh a, tu nichan a school ki kaisah ahi.

Gl Kam Hao leh Ng. Lhing Nei Lam jong cha ga ahi lhon e. Ni khat Lhing Nei Lam leh anu Bokkan va cha dunga kisil ding ache lhon in, von asop chai lhon kisil ding kon in, anu chu va dung panga aphol lup jeng tan, phat chom khat jouvin, va dung panga ahai hu atan in, ahin kho ana bei tai. Kijen man lou hela vadung panga aphol thi jeng chu aji pa, achate leh akhomiten aki lai nat pi lheh jenge. Anu hin kho chutia amoh bei tah jeh chun lunggel je anei thei ta pouvin, aki the cheh jeng tauve. Hiti chun ama ni jong kum 2 sung pi school kai ta lou vin ana moh um lhon e. Kum 2010 chu Hope Boarding School a aki khut san lhon in, tun themzil aban jop thei lhon in, amai lam lhon ding in pontho tah in apang lhon e.

Ng Neng Ja Lam hi Tuidimjang kho a kon ahi. Ama hi anu le apa ani gel hon a thi lhon ahi tan, cha ga tah beh mong mong ahi tai. A nu le apa thi hin ama hi aneo na laijin, lung hel je jong ana he poi. Api Ngahpi henga ana um in, chujouvin Yangon a apu te in a chom khat aum in, chujouvin HBS a ahin jon in, tun them zil aban jop thei jin ahi. Nu le pa bei ahi jeh in kep ahah lheh e. Ahin ngailut taha ki kem ahin, ama jong lekha apon tho e.

Ng. Neng Nei Chan hi Tamu kho (Titsetgone) a cheng ahi. Anu le apa hi ki khen lhon ahin, apu le api kom a chom khat ana um ahi. Chujouva a Pi Lam Kho Neng in HBS a khutsan dia ngehna anei jeha ki khut san ahi. Ama jong anu le apa ki khen ahi jeh in, alung sunga lung neo na leh lung hel na anei jing e.

Achunga hung kisei Students ho hi June lha sunga peng ahiuvin, ama ho dia taopehna leh athusim u chom cha ka hin tah doh ahi je. Asim jousen taopeh u te.

Dr Neh Kho Lal

ီ

 

 

 

 

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>