Galilee-a Jesu Natoh

Sea of Galilee

Sea of Galilee

Jesu leiya alenlaiyin Galilee dilpi kimvel’a Pathen Lenggam thuhilna leh dammo veise ho tampi ana boldam-e. Galilee dilpi kimvel hi Roman te vaipohnan ana hovang in, hiche muna hin Jews te tampi acheng un, chule Jews hi lou jong acheng uve. Galilee dilpi kimvel a cheng ho hi “Galileans” akitiuvin, atam jo hi Jerusalem a kona hung cheng lut ngen ahiuve.

Galilee dilpi hi asao lam mile 13 ahin, ajao lam mile 8 val aphan ahi. Tui thuh lam hi alhangpin feet 84 athuh in, athuh laipenmun ho hi feet 140 athuh in ahi. Achung lam leh anoilam ajum thim in, alai lang hi ajao len in ahi. Jordan vandunga kon tuihung long lut’a, chule Dead Sea kiti tuipi thi dil len sunga long lut ahi.

Pakai Jesu khang chun hiche Galilee dillen panga hin, kho tampi ana um e. Hiche Galilee dilpi sunga hi Pakai Jesu leh aseijui ho konga akitol petuva, khopi hui hat tah hung nunga, Jesun khopi huihat tah chu ana pho thip ahi (Mark 4:35-41).

Capernaum

Capernaum

Jesu ama tah jong Galilee dilpi panga um Capernaum khomuna ana cheng in ahi (Matthew 4:13). Hiche muna hin Jesun Roman sepai lamkaipu sohpa abol dam in (Matthew 8:5:13), miphah khat jong adamsah in (Matthew 8:2-4), Peter nupa nu jong damsah in (Matthew 8:14-15), lhagao bohvop pa jong lhagaoboh ano doh peh in (Mark 1:21-26), chule tahsa alang thipa jong adam sah in (Mark 2:1-12) ahi.

Capernaum khopi’a houin mun (Synagogue)-a thu ana hil lhang leyin ahi (Mark 1:21). Hiche Jesu thuhilna mun “synagogue” mun hi tuni geiyin mun theiyin aum den nalaiyin, 2014 kum chun hiche muna kaga chen kahi.
Peter ana chenna inmun chung taha tun, houin lentah khat asong un ahi. Hiche houin hi achung lam akol thima kisong ahin, abang chu glass ngenna aget u ahi.

Jesun seiyui Matthew ana kouna kho mun jong ahi (Matthew 9:9). Jesun hiche khomuna houin kai (Temple Tax) ana peh ahi (Matthew 17:24). Ahin khosung mite tahsan na lama alhahsam jeh in Jesun ana gaosap in ahi (Matthew 11:23).

Chorazim

Chorazim

Chorazin kho hi Galilee dil’a kon na keng lama pung lang vel kijot ding ahi. Hiche khomuna kon ahin Galilee dilpi, aki gal mu theiyin ahi. Hiche khopi mun hi 2014 kum in kaga khol un ahi.

Khopi sunga song in kisahna ho chule houin (synagogue) mun lui jong aum na laiye. Hiche khomite ho jong hin Jesu thuhil asan lou jeh in Jesun ana gaosap e (Matthew 11:21).

Bethsaida kho mun hi Galilee dil’a kona keng lama minute 45 vel kijot ding ahi. Bethsaida kho munhi moljol sang thima um ahi, hiche khomuna kon in Galilee dilpi aki mu theiye.

20141015_140353Jesun Bethsaida kho mun jong ana vil e. Hiche muna hi mitcho khat, kho amu sah in ahi (Mark 8:22). Jesu aseijui ho chu hiche kho muna apui yin, Pathen lenggam thudol mite ho aseipeh in, dam ding ngaicha chan aboldam in ahi (Luke 9:10-11).

Magdala kho munhi Galilee dilpi pang a um ahi. Hiche kho mun hi 2014 kum in kaga phan, hiche khomun a kon in Galilee dilchunga kitol din Tahsanna Kong kiti “Faith Boat” a katoupan uve.

Hiche Galilee dilpi chunga hin Christian te kong ni aum e. Hiche te ni chu ahi le Tahsanna Kong “Faith Boat” leh Kinepna Kong “Hope Boat” ahiye. Hiche Magdala khomun a hi Jesun Pharisee mi Simon toh nilhah an ajon pi ahi. Hiche peta chu MarynJesu chu thao ahung nun ahi (Luke 7:36-8:2).

20141015_160238Tabgha kho mun hi Galilee dillen pang chin taha um ahin, Jesun thina a kona atho doha aseijui ho akimuto pia, nga anehkhom pina mun ahi (John 21:1-14). Hiche Tabgha mun hi 2014 kum chun kaga khol in ka hi. Hiche muna hi songa kisa houin (chapel) neo khat akisong in ahi.

Mount of Beatitudes mun Galilee dilpi pang, mol jol sang jepa um ahi. Hiche muna hi Jesun Pathen Lenggam thu ana hil pan ahi (Matthew 5:1-7:29). Hiche muna hi houin (chapel) khat akisong in ahi.20141015_150950

 

 

 

Ref: The Kregel Pictoral Guide to The Bbile by Tim Dowley. Page 19.

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>