Maha Bandulah Park muna kichepna

20160306_145249March 6, 2016 nilhah lam pung 3:00 pm in Yangon Hope Boarding School a themjil le natong ho mi 39 leh United State of America gama loi le gol ho mi 3: Sunny, Jami leh Mary Ann toh Yangon khopi lai lunga um Maha Bandulah Park a ka ga cheuvin ahi.

Maha Bandulah Park hi Sule Pagoda leh Immanuel Baptist Church kom cha a um ahi. HIche Park sunga kon in Yangon khopi sunga um office thupi tah tah leh in sang tam pi aki mu thei yin, Park sunga jong Thingphung len tampi akeh in, nisa lim akidal theiyin anom lheh in ahi.20160306_171709

 

HBS muna kona nilhah lam pung 3 ka kon doh u ahin, 3:40 pm vel in Park chu ka lhunguve. Hiche Park sunga chun chapang ho leh America lama gol te hon nomtah in aki chem khom uve.

Khangdong um aki um kol un, “Song chang Song chang, Koi yin choi yem, Hol in Hol in, na mu man, Hol loi jin, la kisah lai hin” ti la asa un, nom asa lheh uve.

Chujouvin La Thah sunga “Ka ngah jing e Ka Pakai” ti vahchoi la asa khom un, khangdong ho lah a numei pasal pha chom pin, Kuki ngaina lam in alam uvin, nom ahasah lheh un ahi.

Gollhang Sei Hao20160306_171500 Chung leh Gl. Jang Gin Theng toh Rubby Mart muna Ice cream ka ga cho uve. Vanilla dei mi 14, Strawberry dei mi 14, chule Chocolate dei mi 14 agom in mi 42 aphan ahi.

Ice Cream neh jouvin, Park sunga mite hon apai thang u, plastics, plastic tuithol leh mun chu chomchom achom un, Park sung chu minute 10 kah sung chun atheng sel jeng e.

Nilhah lam pung 6:00 pm chun Park a kon in, Bus ngahmun ka hin jon un, khang dong ho achol thei lheh un, Bus chunga a imu lhu gam tauve. HBS mun ka lhun uvin, anah nah in aki thou do20160306_171715h un ahi.

HBS a themjil chapang ho hi kum seh leh ahi thei chana Yangon khopi sung kikhol sah ji ahin, tu chung hin adeh in students thah hon nom asa chom uve.

Pathen in khangdong te leh America a sopi te ho jouse pui hoi jing ta hen!

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>