MEITHAI DIA BIBLE CHANG HO

Bible Verses for Widows

Exodus 22:21-24: Khopem chu engbol’in bolset dan; Egypt a nakho pemu chu geldoh jingun. Meithai le chaga engbol’in bolset dan. Bolse le chun kahenga ahung tao tengu, Kei Pakaiyin kahou ding ahi. Nachunga lung hang ing ting, galmuna katha ding nahiuve. Chuteng najiteu meithai gam a, nachateu chaga soh ding ahiuve.

Danbu Nina (Deut.) 14:28: Kumthumseh le changle mim lhoga hopsom a khat hinpouvin, nakhopi dunguva khol’uvin. Nakholdoh chengseu hi gou bei ahijehuva Levite le khopem ho, chagate, chule meithaiho, nalah-uva cheng ho napeh diu ahi. Hunguva angaichat jat akilah theiyu ahi. Hiti chun bol’un, Pakai na-Pathen’un natohna chan a vang naboh diu ahi.

Danbu Nina (Deut.) 26:12: Kumthumseh le lhosoh ga hopsom a khat chu tohdoh-un, Levite le khopem ho, chagate le meithaiho, aveng venga nengchet’a angaichat jouseu aneina din peuvin.

Danbu Nina (Deut.) 27:19: “…Khopemho le chagate chule meithaiho chan ding sumo chan, Pathen gaosap chang hen,” atiuve.

Psalm 68:5: Ahouin thenga pansa Pathenin chagate le meithaiho akhohsah-e!

Psalm 146:9: Igamsunguva cheng gamchom mi ahoidamin, meithai chaga akhoton, migiloute thilgon ho asumange!

Isaiah 1:16-17: “Kisop thenguvin. Nathilse bol’u kamu hi ngauvin. Thilse bol ngauvin lang thildih bolje kihil’un, Thudih umdohna ding gel’un, neh chintoa umte kithopiuvin, chagate chanlom chansah-un, meithaite pan piuvin,” ati.

Jeremiah 7:5: “Nahindol khel’uvin, nathilbol’u jong khel’uvin. Khat le khat lamdih-in kibol’uvin. Kholjin ho le chagate, meithai ho kinomsah nan neidauvin. Gamsunga monabei ho tha dauvin. Namanlo diu ahi, pathen dang ho chibai hih hel’uvin. Lung naheiyu leh tonsot goulo dia napu napateu kapehsa hiche gamsunga hin chensah jing nauvinge.

1 Timothy 1:27: Chagate le meithaiho agenthei hesoh nau vil’a, vannoi leiset’a kona boh beh louhel’a ama le ama kihongdoh jing thei mi chu Pa Pathen dinga hougut theng le boh beh lou ahi.

1 Timothy 5:3-5: Meithai tahbeh ho chu meithai jabol dol’in jabol’in. Meithai chun tu le cha anei le amaho hin amasan a-in sunguva Pathen hou ngaisahna kichuh-u hen, ahinvah dohho lungset thu kihil masau hen; ijeh-inem itile hiche hi Pathen maiya santheidol tah ahi.

Meithai kicheh tah achanga um vang chu Pathena kinem’a sun le jan’a thumna le tao naa kipe jing jeng ahi.

1 Timothy 5:9-16: Numei lamkai ding chu “Kum somgup noiya mi hilou chu meithaiya sut thei ahi, pasal khatseh jia nei mi, thilpha bolnaa seiphat chang, khou khahje themsa, jindot them, mithengte keng silpehsa, genthei hesoh kithopia imalam jouse a thilpha bolna kipum peh mi hi ding ahi.
Khangdong meithai ho vang pansah dan, ijeh-inem itile jinei ding adeichat tengu le Christa deimo lamtah-in aum doh jiuvin, atahsan masah apailhah jeh-un themmo achanlo jiuve.
Chuche tilouvin jong thaset apan’un muntin’a akholai lengun, thaset keoseh hilouvin amuh them kamjauvun, sei ding lomlou thupou aseiyui.
Hijehchun khangdong nalai ho chun ji aneiyuva cha ahindiu, insung akipoh-uva melma chu thilse bolna phat adei banga apeh louhel diu kadeijoi. Mikonkhat jong Satan nung juiyin akihei mang tauve.
Atahsan numei khattouvin meithai ho anei khah le hiche ho chu kithopi hen; chutile meithai tahbeh ho chu Houbungin akithopi thei ding ahi.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>