Philosophy kiti ipi ham?
English ten Philosophy hi “love of wisdom” tin a le doh un ahi. Chule Myanmar mite hon tit-sa-taya-go-tih-myin-chin tin ale doh uve. Kuki pao va gah le doh thei ding dan pen chu ahi le “thutah muna” ti thei ahi. Chihna ngailua hiche chihna mu thei tei na dinga lung tup nei tia jong be lap thei ahi.
Christian kimkhat in “philosophy” tia akisei leh apha lou lam in agel un ahi. Philosophers chom chom hon thuhil achom chom ahil uve. Kim khat thu hil chu “thutah” mu doh thei na ahin kimkhat thuhil chu “thutah” a kon ki gam lat na aso doh sah e. Christian te hon hiche philosophy hi ching thei tah a che pi angai je.
Philosophy (chihna leh lunggel) hi Pathen thu kholna (theology) a jong ki mang cha ahi. Philosophy hin “thu” um dol ho iti ham tia nasa taha agel jinga akhol jing ahi. Chutia lung lut tah a thu gel chun aki im thil ho chu agel doh sah e. A ki im thu gil ho hi lunggil tah leh lunglut tah a thugel ho chun agel doh u ahi.
Philosophy kiti hi min ngaitah jong ahi. Hiche in adoi tup pen chu ahi leh “chihna ngailutding” tina ahi. Hiche chihna chu nang leh kei, chu le midang ho lamhil ahi na ding chu apoi mo lheh e. Philosophy isim, ijil a isut teng leh Bible thuhil toh vet kah ji angai je. Chutileh tahsa leh lhagao chu le lung gela na khantou va na pi lhin ding ahi.
Nehkholal M.A Thesis (Philosophy)
Yangon University
Leave a Reply