Yangon Khopi Sung Kholna

Yangon Khopi Sung Kholna

Yangon kho hi Myanmar gamsunga dinga khopi len pen ti thei ahi. Myanmar gampum pi kisim 50 million laha 5 million hi Yangon khopi sunga cheng ahiuve. Hiche khopi a hin jat nam kim acheng in hinkho man dan jong achom cheh ahi.

Khopi ahi toh ki lhon in mihao jong adim in mivai cha jong adim set e. Mi hao ho lah hao ta ma, mi vai cha ho la vai ta ma. Neh ding mu jou lou jong tampi aum e. Hinkho man dan ahah sa lheh e. Khat le khat ki hu to na jong um behseh lou.

Mihao leh mivai aum bang in bazar jong tol-lhang bazar leh insung bazar jong pha chom pi aum e. Tol-lhang a bazar hi mivai cha ho thil zoh na leh thil choh na mun ahi. Insung bazar ho hi gamkhang tou gama bazar (Wall Mart, Country Market, ti ho) toh kibang ahi. Hiche a hin mi hao tah tah ho jong adim khop poi.

Janni December 15, 2010 ni jing kah lam chun Gyogone Thilzohna, Karen Hill Thilzohna leh Insen Thilzohna ka ga khol uve. Chujouvin Yangon Christian Church ka ki khopnao mun (Hlaingtaya) ka ga che kit uve.

Sun 11:45 am pan in 12:15 pm chan ka chen nao in den a taokhomna ka mang uve. Chujouvin Golden Duck (Restaurant) a sun an ka ga ne khom uve.

1:00 pm to 3:00 pm sung in ka ki chol do un, chu jouvin Yangon kho sung langa ka ga che kit uve. General Aung San Market a ka ga cheu vin thil tham tham ka cho uve. America te ho lung lut na ho chu khut a ki bol thil lim ho ahin pha chom pi ka cho uve.

Chujouvin Mye-ni-gone venga shopping mall len tah ni a ka lut pao ve. Hiche te ni hi Ga-mone-pwint leh Dagon Center ahi. Ni lhah lam pung 6:30 pm in in mun ka le lhun kit uve.

Pakai Lhacha

Nehkholal