Anoiya lim kitah nu hi Yangon khopi sunga cheng ahi. A jipa toh chapa 3 leh chanu 1 anei lhon e. Aji pa hi athina asot tan, acha te mi 2 in ji anei un, mi 2 ji nei nai lou vin aum uve. Apa thi jou hin achate hon anu ada lha un, achom a acheng doh un ahi. Tun a ma nu hi atu nu kum 18 leng khat toh acheng khom lhon e.
Angailut tah aji pan athisan leh chubana acha-te mi 4 jen in adon dau leh ama nu hin thi puldou leh hinpul dou ani a athoh thoh ahi tai. Lung leng vai tah a hin kho mang ahi tan ahi. Ama nu hin leiset chunga hinkho nei jong hi panna bei, chule a-ngailu koi ma um ta lou va lung leng vai tah a aum lai tah in aloi ho khat in Pathen thusei ho khat henga ahinpui lut e.
Hiche Pathen thusei pa chu toh aki muto lhon phat in Jesu Christa kon in alung sunga kipana leh lungmonna adim in, Pakai Jesu hi ahuhhing pun akisan tan ahi. Pastor pa henga tuilut (baptism) ding ati leh kiheto behseh ahi lhonlou jeh in chom khat kho ngai dia sei peh leh alung nom mo lheh in ahi.
Nung hapta Sunday ni (August 14, 2011) ni chun Pastor pu tuiphumna anei peh in ahi. Tun a ma nu hi Christian ahung hi tan, aum khompi atunun jong Pathen thu ahin het doh ding kinep aum e.
Missionary pu ding ahin, tahsan thahnu ding ahin, chule aum khompi atunu din tao peh jing u te.
Nasopiu
Dr. Neh Kho Lal
Hetsahbe: Tui pum sah pa missionary pu thusim het be thei ahi https://www.kukichristian.net/wp-admin/post.php?post=64&action=edit
Pu Moderator, Amasan Pathen min in salam.Pathen lenggam machal dan ka na sim doh thei jeh in Pakai Jesu chu loupi na chang ta hen chule Pathen thu hin so hole asim jouse Nazareth Jesu in phat thei boh tahen. Amen Halleluyah. Na sopiu Jesu min na um.
Ngam Kho Lal