Kikhen Thangna

Kikhen Thangna (Division in Corinth)1 Cor 1:10-17

Corinth kho a tahsan chate umdol aki sim leh alah uvah kikhen thangna ana dim thu aki he theiye. Paul in aki khen thang nao thua nasa tah in ana phoh in ahi.

Paul seina a kon a kisim doh thei chu ahi leh Corinth khoa tahsan chate ho chu alhompena loi 4 a ki khen dan ahiuve. Hiche khanglaiya thuhil a ana pang ho chu: Christa, Paul, Apollos, le Peter ana hiuve. Ama ho thuhil hi achom chom a ana kisan khah u jong hi kha mai thei ahi. Chule Satan in Thuhil khat seh chu tahsan chate ho lungsunga het khel na ana gon hi thei mai ahi.

Paul in lung hang taha asei na a, “Christa chu kihom tal tal hi tam?” (1Cor 1:13) tin ana sei je. Chuban “Koi pen chu thing pela kikhet beh em?” tin jong ana dong e.

Hiche 1 Cor 1:10-17 sung Thu kisun ho hin tahsan chate ho kikhen thang hi adih lou jeh nasa taha in ei hil chen un ahi. Christa Thu ki hil ahin, Paul, Apollos, Peter leh ei ho hi hiche Christa Thu hil lhang le a pang ihiuve.

Tu lai Christian tampin Christa Thuhil khohsah sang in mihem pomdan chom chom leh lamkai len leh them chomchom ho thuhil nung aki jui kha ji e. Ama ho chun Christa Thuhil jui toha ei lamkai u ahi leh Thutah lama iche diu ahin chute lou va leh iche khel diu ahi.
Tahsan chate ho lungsung leh tahsa kikhen thang lou vin, Christa Thuhil jui khom hi jing u te.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>