Myanmar gamsunga hin ache sa kum 50 vel lai chun amun amun a private school; mission chom chom ho school ana um in ahi. Sepai Sorkal ahung din doh a kon hin gamchom mi missionaries ho Myanmar gamsunga chen ana ki kham in, missionaries lamkai na a ana ki phut school jouse chu ana ki khah tan ahi. Yangon khopi leh khopi len dom dom a mission compound leh school ho Sorkal in ana la un, school jouse Sorkal khut noiya ana um tan ahi.
A che sa kum 10 vel a kon in Yangon khopi sunga Private school ho international level in ahung ki hong pan kit e. Hiche International Level a kihong ho chu: ILBC, MISY, YIS, YSI, Nelson, PIEC, Indonesian School, Step, ti ho ahi. Hiche school ho hin English medium a ahil u ahin, Sorkal school a kai ho sang in English lama akhang tou lheh uve. Hiche Private International school hi lekha lam a asan bang in, sum lut jong atam lheh e.
Kum 2010 vel lai chun Private school hon phal ding dan in thusoh ana um in, ahin private school dan ho phate a sem toh ana hi lou lai jehin, ana ki nom den in ahi. Atam jon private school hon thei lou jeh in, private tuition class joh ahong uve. Matric class jong hi akim khat Sorkal school a sang in Private school a kona pass jong atam e.
Ning kum 2011 December 2, ni chun Private school register bol theina ding dan bul ana ki phong doh e. Hiche dan bua chun alhang pia private school hong ho jui ding dan aki sei jin ahi. Chubana Kum 2012 April lha chun Private school khat hon theina dan ho leh hon ding dan bu kim tah in ahin so doh uve.
Hiche Private School register bol ding dan leh hon ding dan ho chu anoiya bang in alhang pin aki sei je:
I. Register Bol ding dan:
1. Private school hon ding hi Myanmar gamsung mi hi ding (Gampam mi ho min a ki phal lou, International school hi lou)
2. School ki hon ma sang lha 5 leh lha 6 ki kaha State/Division Education Office-a thum ding
3. Michang ahi lou leh kiloikhoma bol ho min leh gammi hi na apeh lut diu
4. Sorkal in hil dia agon kal vala hilbenom subject (computer, English, art, ti ho) leh ahil diu phat sung ho peh lut ding
5. Mikhat bola hi leh private school vet up ding toh min list leh ahina hon apeh lut lhon ding
6. Kiloikhoma bola hi leh lamkai hojouse min list leh ahina ho apeh lut diu ahi.
II. Sum sun ding ho
1. Private school hon phat na dia khut san ahi leh, khut san jou hapta ni (ni 14) sunga Sorkal banka sum aga sun lut diu.
2. Private school registration fee sum sun ding chu Ks. 500,000 (Dan bu: Page 5)
3. Private school kum sim sun ding Ks. 300,000/ (Dan bu: Page 10)
III. Oiya ding ho
Private school a oiya ho chu anoiya bang tena lhing mi hi diu ahi.
1. Ahil diu subject toh ki lhona Degree nga mi hi diu ahi.
2. Kum 5 lekha hil sa mi hi ding
3. Private oiya hi na dia Sorkal a athum ding
4. Private oiya hitheina amu leh, sum Ks. 50,000/ asun ding
5. Private oiya kum sim sum sun ding Ks. 30,000/- (Dan bu: page 11).
IV. Phal peh lou ho
1. Hou thu lam ho hil phal hi lou
2. Chule adang dang………….
SUGGESTION
Nehkholal
Yangon
Leave a Reply