Malaysia Refugees ho Dinmun

Malaysia gam sunga khopi ho a, gambel (refugees) mi 100,000 val aum e. Hiche gambel mi laha misim 90% hi Myanmar gama kon ahiuvin, 10% hi Afghanistan, Iraq, Somalia, leh Sri Lanka gam ho a kon ahiuve. Malaysia gamsunga misim 70,000 vel hin state nei lou, India gam a Tamils ho ahiuve. (http://www.unhcr.org/pages/49e4884c6.html)

Malaysia gamsunga Myanmar gam a kona hung galjam a, Malaysia gambel ho pan hu din Gambel kiloikhomna (Refugees) loi chom chom aum uve. Alliance of Chin Refugees (ACR), Chin Refugee Committee (CRC), The Zomi Refugees, KSDF, leh ama jat le nam chom chom dung juiyin kiloikhomna anei un, UNHCR a gambel hina leh gamlen lang cheng theina din pan alauvin ahi.

Malaysia gamsunga achen sung uva din, kiloikhomna hon tohgon (school, training, seminar, etc) chom chom aki gon un, sum le pai thum thei thei na a athum un, ama ho mite ding in, napha tampi jong atong jing uve.

Myanmar gamlanga kona Malaysia hung lhung thah ho, adeha gamlen lang chejom nom ho leh Malaysia gamsunga kimat louna din ama ho jat nam dung juiya kiloikhomna a alut un, card aki bol un ahi. Hiche card a kon chun UNHCR a gambel hina card chu aki bol jom jiuve.

“UNHCR 2014 planning figures for Malaysia” hisap dan in Myanmar gama kona gambel ho kum 2014 teng misim 102,070 vel, chule kum 2015 sunga misim 108,760 vel pha din atah doh un ahi.

Myanmar gam sung kikhel jehleh khantou na lam mono ahi tah jeh in, Myanmar gama kon gambel ho hi gamlen lang (USA, Australia, Canada, etc) lhut ta louva, ahung konnao Myanmar gam langa lesol ding tia hisap loi jong aum e.

Tun Malaysia gam, Kuala Lumpur khopi sung leh kimvela Kuki chate jong mi 300 val alhung tauvin ahi. Kiloikhomna lam a sei din, Kuki Students Democratic Front (KSDF), Kuki Worship Service (KWS), Myanmar Thadou Kuki Catholic Church (MTKC) tin aum e. KWS leh MTKC hi houthu lama kiloikhomna ahin, KSDF hi UNHCR hetpeh khata ana uma, adeha Refugee status hitheina ding a pan la ahi.

KSDF members ho pha chompi jong gamdang alhung joutauve. Tua jong gamdang leng dia kigong jong pha chom pi aum e. Kiloikhomna ho hi kiloikhomna a pang members hon avat dung juiya sum le pai, tha le jung ato uva, office leh kikhopna mun ho anei u ahi.

A chunga hung kisei ma banga kum 2014-2015 sunga jong Refugees phachom pi um na laidia kihisap toh lhon in, Refugees status hina hi ahin bol jom diu vin aum in ahi. Hiche tohgon hi adei chan in aki khol thei ahi.