Myanmar Dan Semphatdol Thu

Myanmar Constitution CoverMyanmar gam in chamlhatna amu jouva pat (1948), tukum 2014 chan geiyin Constitution thumvei akikhel tan ahi. Amasa pen Constitution chu September 24, 1947 ni chun ana kimang pan in, anina chu January 3, 1947 kum in ana ki mang pan kit in, athum channa hi May 29, 2008 nia ki mang pan ahi.

Hiche Constitution thumvei chan a lamkai palai (MPs) jat hi aki khel in, hiche palai jat kikhel hin, danbu khel/semphat ding (amendment) thutoh kisamkai na aneiye.

Myanmar Constitution khel/semphat ding (Amendment) thu-a, Union Parliament (Pyidaungzu Hlutdaw): [People’s Parliament (Pyithu Hlutdaw) leh National Parliament (Amyotha Hlutdaw)] kigom sunga, palai (MPs) 67% (1947), 75% (1974) leh 75% val (2008) phatsah ahi leh constitution khel thei” ti ahi.

Kum 2008 Myanmar Constitution dan dung juiyin Pyidaungzu Hlutdaw ahin palai mi (498) aphan ahi. Hiche palai (498) sunga hin Pyithu Hlutdaw pan palai (330) aphan, Amyotha Hlutdaw pan palai (168) aphan ahi.

Pyidaungzu Hlutdaw a hin, Gamsung mipi te ho lhen hi lou, Sepai ho thalheng in palai (Military appointed MPs) mi (166) apang theiye. Hiche palai (166) hi Pyithu Hlutdaw a palaiya pang ding mi (110) leh Amyotha Hlutdaw a palaiya pang ding mi (56) aphan, agom in mi (166) aphan ahi. Mipi lhen doh palai hi 75% aphan, sepai palai hi 25% (Military appointed MPs) aphan ahi.

Constitution khel ding thu a ahin Pyidaungzu Hlutdaw a, Palai 20% in akhel nom thu ahin poh doh jou teng leh hiche thu chu Pyidaungzu Hlutdaw in akhutsana, athu asei pat diu ahi (Article: 435/2008).

Achunga mipi lhen doh palai misim jat leh Seipai palaiya pang misim akisim kah leh Myanmar Constitution khel ding hi ahahsan ahi. Ajeh chu Constitution sung danpi sung a “Constitution dan khelnop aum leh Pyidaungzu Hlutdaw palai 75% val in aphatsahteng le bou khel thei hi ding” ti ahi (Article: 436/2008). Sepai palai 25% (Military appointed MPs) khat cheh hin, ama dei bang taha thulhuh abol thei lou ahin, lamkai len ho thupeh dingjuiya pan alah u ahi.

Constitution khel ding thua “Palai 75% val” ti ahi jeh in mipi palaiya pang 75% ahin, ama ho jousen khel nom jong leh sepai hon akhel nom lou u leh kikhel thei lou ding ti na ahi.

1947 kum, Myanmar Constitution chun “Palai 67% in aphatsah leh dan kikhel thei” ti ahi. 1974 kum, Myanmar Constitution chun “Palai 75% in aphatsah leh dan kikhel thei” ti ahi. Ahin 2008 kum Myanmar Constitution hin “Palai 75% val in aphatsah leh bou kikhelthei (amendment) ahi.

Sources:
-Constitution of the Republic of the Union of Myanmar (2008).
-A Comparative Study of Constitutions (1947, 1974, 2008).
-How to Amend the Constitution

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>