Myenigone-a Hou-in leimun ding thun September 26, 2014 nin Yangon pan in Vanleng in Homalin ka jon e. Myenigone a cheng khosung upa ho leh khangdong te hon ngailutnan Homalin Airport muna jatvon sil in, eihung lamdoh un kipa aum lheh e.
Airport a kon in Pastor Ngamhao in mun ka jon un, hia chun Pastor Ngamhao vin vailhun taona amang in, upa hon jong houlim abol un, theitui kadon khom uve.
September 26, 2014 jan in, October 2009 kum langa patna panhuna ana kipe jing Pi (Veikholhing) in adalhah insung mite in a, “golvilna†ka nei khom uve.
Pi (Veikholhing) hi khomulou (mitcho) ahin, ahia ama chang-a chenga, neh le chah akibol ahi. Ama hi dammo jeha Homalin Hospital a chomkhat ana kijena, September 8, 2014 nin ahinkho ana beiyin ahi. A-inmun hi hou-in a dia US $ 5,000 a ei joh peh u ahi.
September 28, 2014 Sunday ni jing kah lam in Kuki Christian Church (Myenigone)-a kikhopna ka nei un, hia chun Pathen thua tilkhouna kanei ye. Nilhah lam in Myenigone Baptist Church a Pathen thua tilkhouna ka nei kit e.
Hou-in compound thua kalsong akihi vang in, khosung upa hon, Homalin gam phah abai pon, ipi pi hi leh na hung sung in, mipi te toh kimutona khat nei leuhen phante atiu vin, Jatlamkai lang hon vai ahom un ahi.
September 29, 2014 nin 
Khosunga u-pa, nupi, khangdong, pastor, oiya leh mipi hon kikhop khomna akinei yin, hia chun mailam khankho ding thu tampi akisei khom e.
Tuchung Homalin ka khol jin na nikho hi agom in, ni (5) bou asot in, hiche sunga kitong doh ho chu: 1. (Veikholhing) Gohvilna kinei, 2. Hou-in mun thu kibol doh, 3. KCC houbung mite ho kitil khou, 4. Baptist houbung mite ho kitil khou chule 5. Khosung mite ho toh mailam thu kisei khom thei ahi.
Loupina Pa Pathen chang jing ta hen!
Leave a Reply