India leh Myanmar gamgi chin, adeha Molcham leh Bokkan kimvela kihet themna leh chamna aum theina din Molcham khoa India Army Camp a July 22 leh July 26 nin kimutona leh kihoulimna ana kineiye.
Molcham kho leh Bokkan (Zoumun) kho te ni hi naichai a um ahi. Vadung khat bou vin akhen ti ding ahi. Zoumun kho hi hiche kimvel a dia kholen pen ahin, jing kah nilhah bazar kaina kimang khom ahi.
Chumabanga chu Zoumun kho miten jong neh le chah chule khosung mite dia chenna genna dia man lu tah go (bamboo) ho jong Tuileng leh Molcham gam langa kila ji ahi.
India leh Myanmar Government tenin chung langa natohkhomna pha chompi anei vang un, hiche gamgichin kimvela cheng ho din ima kikhelna aum deh pon, gamgi china lamkai hon gamsung mite lah’a chamna leh phatchomna aum theina ding thu aki gel khome.
Molcham a pang Major Anir (India Army) leh asepai ho toh Molcham Army Camp a July 22, 2014 nin kimutona akineiye. Chubana July 26, 2014 nin Moltuh India Army Camp-a Col. Sundap Madua toh kimutona aki nei kit e.
Kimutona a kisei khom pen chu gamgi chin a chammna um thei jingna ding leh India Army ho lamkai na a Bokkan khoa December 2014 teng leh Medical Camp bol ding thu ahi. Chubana Meilhei leh India Army ho kidou to na a kona Bokkan khomite ho bomb kap khah leh khah-lih ho thu jong akisei doh e. Ama ho thu hi nung teng ol-a sei kit ding in aki gel khom e.
Leave a Reply