Panhuna Kihom

Tuidimjang River

Tuidimjang River

Tamu gamlang’a tuilet jeh’a genthei hahsa toh ho din, Nu Kikim Khongsai gol nu (Korea gammi) leh insung mite chule Korea gama Medical Doctors hon panhuna ahin thot un ahi.

Tamu gamsung langa tuijin aha suhset deuh mun ho phat e chan aki khol toh masa in, tu le tua panhu dia vat pen chu Mintami khomi te ahiuve. Mitami kho hi in 300 lhing deh ahiuvin, akho pumpia tuiyin achum mang hel ahije.

Akhou’va kona mile 2 vel gamla, Yawta kho Buddhish ho houbuh mun leh school mun hoa pansa ahiuve. Tui akem tahvang in akho sunguva che lut thei ahi nai poi.

Bamboo Boat

Bamboo Boat

Medical Doctors of Korea a kona panpina sum aki mu mun, Yangon a pan in Tamu lang akithot paiyin, Tamu a kon in Volunteers hon Anchang, an me, savon, chi le malcha ho Light Truck khat a poh khop acho doh un ahi.

August 5 ni chu Tamu a kon in, Light Truck khat akikom in, panhuna ho akitol in ahi. Tuidimjang khoa kho athim tah jen in, August 5, 2015 chun palai ho Tuidimjang khoa ageh den uve.

August 6, 2015 ni jing kah a pan in khosung mite hon panhuna ho chu Tuidimjang vadung chunga Go-kong (Bamboo boat) chunga anchang leh panhuna ho chu them them in atol gal kai un ahi.

Tuidimjang vadung gal lang khata kon in Tuivang chan chu Truck neo khat in atol kit un ahi. Tuivang vadung chung kong in agal kai kit un, hia kon chun Bokkan kho alhut uve.

Tuivang River

Tuivang River

Bokkan khoa an me ding be (beans) ho achoh be un, Mitami kho lang ajon un ahi. August 6, 2015 nilhah lam chun anah nah in Mitami kho mite ho pansahna Yawta kho mun alhun uve.

Panhuna anchang leh neh thei chom chom kipo lut ho, khomi ten amu phat un, ha pah in akipah un, ahing hut hut jeng un ahi. Kho sung upa ho leh lamkai ho henga panhuna ho chu akipen ahi. Ama hon avat dung juiya ana hom diu vin aki pen ahi.

Mitami ho hi abonchauva Burmese ahiuvin, ahou u hi Buddhism ahiye. Hiche khoa hi Missionary Oiya Hnin Zaw jong aum e.

Hitabang genthei toh ho hinpan hu Korea gama Medical Doctors ho, toset toh Mitami khosung mite ho leh panhuna ga hom palai ho jouse chunga Pathen in vang boh jing ta hen!

Panhuna ngaicha atam in, koi tobang mimal hi hen, kiloi khomna hi jong leh panhuna pe nom hon pan la khom cheh ute. Panhuna pe nom hon contact nei hin bol thei u ahije.

Mitami Villagers

Mitami Villagers

Dr Nehkholal

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>