Panhu thumpehna

Mun tina um sopi te ho:

DSC00184Tu chung Myanmar gamsung tuilet chun mun tampi asu sen ahi. Adeh in Tamu gam, Kanan kho kimvel nasatah in asu sen ahi. Kanan kho jenga in 100 val tuijin alhoh mang in, in ja val tuijin achup in ahi. Chule Bokkan khoa kona mile 6 gamla, Mintami village jong in 295 ahin, abon in tuijin achup in, Yawta kho langa akichon doh un ahi.

Tamu gamsunga thih lei len jouse asu sen ahi. Khampat lei 2, Kanan lei, Kanmahgyi lei, Tuivang lei, Tuidim lei le adang tampi asu chim in ahi. Tui them hon vadung galkai theina din, kitolna asem un, akhoh deuh deuh ho agal kai un ahi.

Kanmahgyi khoa nupa kicheng thah te ni jong tuchung tuilen hin, ahinkho lhon ala mang deh in ahi. Ama ni hi Kanmahgyi kho sah lang mile 1 leh alang vela honlei abol lhon ahi. Tui ahung let phat a, aji nu chu thingphung chunga akalsah a, ama chu thing long chunga chomkhat ding den ahi.

Phu lou he louva tui ahung let jeh in, aji pa dinna thing long chu tui jin alhoh lha tan ahi. Aji nu chu thing phung chunga um den in ahi. A kim vela koima kou thei aum pon, hiti chun jan kho vah keiyin, go jui noiya DSC00225achang in thing phung chunga aum den in ahi.

Aji nikho ni lhumkeiyin thing phung chunga aum den kit’e. Kho sung mite ho ahuhdia che ho jong chun anai ngam pouvin, aumna thingphunga kon feet 100 val’a chu, achu ti moh vet jeng u ahi. Nilhum kei angai jou uvin, ahuh doh thei chom pouvin, jankhat akho vah kit in ahi.

Ama nu hi jatdang mi ahin, eimi ho khat toh kichenga Kanmahgyi kho ahung chenna lhon jong sot nai lou ahi. Ama nu hi anao vopna lha 2 aphan, aumna thingphung chunga anao akisen, thingphung chunga kon in, thitam tah ana long lhan ahi.

Anah naDSC00223h in thingphung’a jan 2 leh ni 1 aum jouvin, go ahung thip in, Saturday ni jing kah chun inmun ahung lhung thei yin ahi. Ajipa jo

ng chu ahon leiya kon chun thinglong kituh chah kheh in, tui yin ahin lhoh lha suh peh in, Kanmahgyi Burmese ho kho lang’a agal kai doh in ahi.

Aji nu hi atha aha lhasam in, lou va kijen jong angai jeh in, nei man hi louvin, kho to jal in, agang agang in panhuna aki pen ahi. Koi tabang pannhu na pe nom hon peh jing thei ahije.

Panhuna pe nom hon contact nei hin bol thei u ahiye.

Nehkholal

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>