Tamu gamlanga go aha juh jing jeh in, janni Date 30, 2015 ni chun Tamu Township, Khampat vadung leh Kanmahgyi vadung teni tui alen in, Canaan khoa in 8 leh Kanmahgyi khoa in 4 tabang tuijin su chim in, apo mang tan ahi.
Ache sa kum 1997 chun Kalaymyo leh Tamu gama go ha juh jeh in tui ana len in, Kalay Myo kho kimvela lou jao tampi tui jin asu sen ahi. Tun jong Kalay Myo khopi kimvel tui alen kit in, lou jao tampi asuse kit e.
Kum 1997 a Khampat vadung tui let chun Khampat vadung panga In khat jong tuijin aleibang asu chim in, a in pum pi chu ana lhoh mang e. Hiche in mun hi mi ni ana kichu ahin, achang lou pa chun a in cheng te chu agao sap in akiseiye.
Tuchung Khampat-Kanan-Kanmahgyi vel tui let hi agim nei lheh kit e. Hiche mun hi thinglhang(Chin Hills) to kinai cha ahijeh in, thing lhanga kon tui hung long lha ahi jeh in, tuigol ahat lheh in, lei bang ho asu chim in ahi.
Khampat vadung hi feet 500 vel jao ding ahi. Achesa kum 50 val laiya pata chu Kanan lang tui lonna a kona Khampat lang bang aneh a tui ana long ahi. Hiche tui lam kikhel jeh chun Kanan lang tui lon louna chu nel lei in avuh in, hiche muna chu in 30 val jen mi cheng ahiuve.
Tu chung tuilet hi Khampat khopi lampanga tui long chun alonna lampi akhel in, Kanan kho lam pang alon na lui lam ahin ho phat in, thih lei leh leibang chin chu akeh lang jen aho lha tan ahi. Hiche lei te ni kikaha cheng ho chu agang thei chan in kho sung a Khangdong ho leh Car nei hon mun chom a atol doh un ahi.
Thihkang a kisa in ho leh cheh ina kisa in ho jong achim gam in ahi. Jan lhah pung 8 vel a thulhut chun hiche muna tuijin alhoh mang in 8 apha tan ahi (hiche muna cheng ho hi Falam ho atamuvin, koi koi in ti chu aki sei thei nai poije) Kanmahgyi kho’a Burmese ho in 4 jong alhoh mang tan ahi.
Laina behseh a va dungpanga din ho jong, adin nao lei bang hutkhat’a ahung chim jeh in mi 2 tuiya akhe lhan, ahin aki hung hing kit lhon e. Tuni teng thusoh alhing in ki het be thei kit in te…
Nehkholal
Leave a Reply