BIBLE SUNGA MIHEM HINKHO LEH THINA THU HO

Genesis 6:1-3: Leiset chunga mihem hapun in apungin, cha le nao tampi ahing tauve. Van miten mihem chanu hoi tah tah ho amudoh phat’un adei dei ji din akipuiyui. Ahivang in Pakaiyin, “Ka lhagao mihem sunga tonsot’in cheng den deh ponte; mihem hi tahsaphe bou ahin, ahin kho jong kum ja khat le som ni (120) hi ding ahi” ati.

Genesis 2:7: Pakai Pathen in leiset alan mihem asem in, anah hom sunga hin thein ahu ahailut peh le mihem chu mihing asoh doh pai tan ahi.

Danbu Nina (Deut.) 34:7: Athin Mose chu kum ja khat le som ni alhing tai.

Psalm 146:4: Mihemte athi teng vut asohjin, Athilgon jouse athi ni hin abeitai.

Job 12:1: Hichun Job’in adonbut’in: Nang ho tamjo jong leu chun nathi tengu nachihnao jong beitan te.

Job 14:14: Mihem athi teng hing kit thei yam? Kenvang hesoh phat kichai, Phat pha hung lhun ding ngah jing inge!

Thuhilpa (Eccl.) 3:21-22: Mihem lhagao vana akaldoh mong in, gancha lhagao lei noiya ache monge, ti kon asei thei ding ham? Hijeh chun thilpha pen a kagel chu itohsa chunga lung nom a um ding hi ahi. Bol thei dang inei pouve. Ithi nung tengu ipi aso ding hetdoh theina lampi inei pouvin ahi.

Thuhilpa (Eccl.) 8:8: Koi ma thi lou thei aumpon, na thina ding nikho vochon thei jong aum poi. Hiche hi ijam doh thei lounao galmun ahi.

Thuhilpa (Eccl.) 12:7: Itahsa pheu leiseta kile kit’a leivuisoh ding, hinna hu hi eipeuva Pathen henga kile kit ding ahi.

Ezekiel 18:4: Mitin hinkho chu Pathena ahin, minu le mipa chule chapang te hinkho jouse Amaa ahi.

Daniel 12:13: “Vo Daniel, nang vang akhonna geiyin kitah jing in. Chu jou teng thin natin, hi jong le phat kichai teng kipaman sang dia na tho doh kit ding ahi nai,” ati.

Matthew 22:32: Jesu adonbut in, “Keima Abraham Pathen, Isaacc Pathen, chule Jacob Pathen ka hi,” atilou ham? Pathen chu mithi ho Pathen ahipon, mihing Pathen joh ahi.

Mark 16:6: Ponbang sil’a gollhang khat in numei ho (Magdalene, Mary le Jacob nu Mary chule Salome) jaha “Kicha hih-un, thingpel’a kithatsa Nazareth Jesu nahol’u ahin, Ama athoudoh-in hikom’a aum tapoi… ati.

John 11:25-26: Jesun Martha jaha, “Keima thokitna leh hinna kahin, Keima eitahsana chu thi jongle hing ding ahi; chu le mihing eitahsan chan a-itiha thilou hel ding ahitai; hiche hi na tahsan em?” ati.

John 4:24: “Pathen chu Lhagao ahin, Ama houten Ama hina lhagaova ahou mong diu ahi” ati.

1 Corinthians 15:58: Hi che jeh chun kasopi dei tah te, dettah in suhling hoi hilouvin pangun, Pakai hinkhoa na toh jouseu chu pannabei ahilou na hetjeh uvin, phat jousen Pakai kinbol nan thalhing jing jenguvin.

1 Thesselonica 4:13: Sopite, kinepna bei miho banga na um louna diuvin a-ihmuhilte thudol helouva na um diu ka nom pouve. Ijeh inem itile Jesu athia athodoh kit itahsan jeh un, Jesu tansah’a ihmumilte chu Pathen in Amato ahinpui kit ding jong itahsan’ui.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>