Hope Theological Seminary Thu

Pathen thu leh tahsalam thu ho ichennao khopi sunga kihil thei ding gelkhohnan Tamu khopi Namihan vengsunga Hope Theological Seminary (HTS) hi achesa June 18, 2019 ni chun hondohna ana kineiyin ahi.

Hiche Hope Theological Seminary a hin tule tun themjil khangdong student mi 25 aphan, ahil a pang oiya mi 6 jen aphan ahi. HTS a kihil pi pen chu Bible Thu, Theology Thu, Houbung Thusim, Mission Natohdan, Leadership Thu, Church Music leh Khantouna Thu chom chom akihil pan in ahi.

HTS students ho jong lekha simna lam leh natohna lama apon tho lheh uve. Tahsa lama jong son le mon ahiuvin, Lhagao lama jong kinep pi um tah ngen ahiuve.

Thangcha ni (Saturday) ni seh leh muchi chivo tun aki kon jin, chule natoh chom chom jong akitong khom ji e. Pathen ni (Sunday) ni teng le vang pontho tah in houin kaina aki nei khom jing e. Mai lam teng students ho hi kihom khena houbung ho henga Gospel Kipana Thupha phong jala kon ding ahiuve.

Tamu khopi sung a cheng khang dong ho leh nu le pa te hon jong HTS students ho angai lu’uvin, aneh diu an chang, an me leh me-thao ho jong ahung toh un ahi. Pathen min jal’a neh le chah a hung pang ho jouse chunga Pathen in lungmonna, kipana, chamna leh damtheina pe jing ta hen.

HTS students ho leh oiya ho ding in, aphat tin in tao peh jing u te. Pakai Leng gam ajao vin, ana tong ding mi alhom e. Lou nei pun na tong ding ahin sol doh na ding in tang lou hel in tao jing ute.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>