Pakai Jesu Christa min’in ngailut salam kahin bol e. Tamu gam sunga kumtam ho khankho gelkhohnan kumtam ho adeh’a pi te ho (widows) lung mongsel leh nom tah a aum theina diu vin, June 24, 2017 nin achenna diu LEI-IN-NOM tah akisa pan tan ahi!
Pu pa te ngaina- chu, nu le pan chate ho akhan lhit chan ahin vah uva, nu le pa ateh nung teng leh chapa tahpen ahilouleh chaten ale-vah jiu ahi. In sung khat a hin 1. Pu le pi, 2. Chapa te leh mou te chule 3. tute ho toh khang thum ana kicheng khom ji-e.
Hiche khang lai chun neh le chah jong aning lhing in, chate leh tute ho jong school kai ti ana um behseh pon, neh le chah leh sil le chen ti lou adang a sum beina aum pon, ngai-na dung juiyin ana che lha naiye.
Tukhang hin neh le chah ahahcheh cheh in, sum le pai jong mutheina ahah cheh cheh in, neh leh chah lhingsel a nei koi ma aum jou ta poi. Nu le pa ten pi le pu te ho sanga acha teu themzil na leh acha teu neh ding gelkhoh ding angai jo tan ahi.
Pu pa ngaina dana chate hon nu le pa neh le chah, dammo veiset i-jakai avet diu a ahi. Ma sang laiya chu “Vet†aki ti teng leh i-yakai panhu ahi lou leh kinla kiti na ahin, tu laiya hi “vet†akiti teng kimoh vet tho ahin lainat aum lheh e. Hiche hi ngailut lou jeh hi louvin, sum le pai, neh le chah ning lhing sel’a i-khol doh jou lou jeh u ahi.
Pi le Pu te ho sanga chate ho chule tute ho khan kho ding gel khoh joh angai tah jeh in, Pi le pu te ho hi hing lem lem, ne lem lem, adam mo teng u leh athoh dam tho ding in jen jou louvin aki moh um sah jeng in, sil ding nih chen ponsil jong athah kichoh peh louvin, alui chah cha, ase cha cha akipe jin ahi.
Pu pa ngaina pha tah tah akihet cheh vang in, aki jui jou lou tampi aum tan ahi. Kho le veng sunga koi ta bang akum tam, ave ding chate tute um lou ho din, CHRISTIAN IN-NOM khat aki gong doh tai.
Hiche CHRISTIAN IN-NOM a um ho chu anoiya banga hi chanvo kigon peh ding ahi:
1. Lupna (Bed Room) nom tah khat cheh kigon peh ding (10’ x 12’.5â€)
2. Lupna sung’a kisilna leh pampotna umpai ding (American Standard)
3. Ni seh’a jing an, sun an, jan an kipe jing ding
4. Ni seha tui theng kidon sah ding
5. Sil le chen avat na chan’a ki von peh ding
6. Dam mo veise aum leh phate cha Doctor ho toh kijen ding
7. Lung mong a hinkho aman theina diuva houlim jing na (Counselling) kibol peh jing ding
8. In sung mi, phung le chang, houbung mite ho ahung vil nom chan in ahung vil thei ding
9. Kichepna jong gon peh ding
10. A cheng ho nopsah thein a ding’a avat thil chom chom ho um ding
Leave a Reply