Jesu munom ten pa

Luke 19:1-10

Jesu munom ten khat ana um e. Amin hi Zacchaeus ahin Jericho kho a cheng ahiye. Ama hi sum dong mi ahin, sum le pai ahaova hao ahi. Chule ama hi atahsa sang lou, nem cha ahiye.
Nikhat Jesun Jericho ahin jot pan, mitam tah in Jesu nung ahin jui uve. Zacchaeus jong chu Jesu mu din achen, ahin mipi atam beh seh in, ama jong atahsa anep jeh in Jesu chu amu thei poi.
Zacchaeus in Jesu amunom ten jeh in, Jesu chenna lampi masang langa ana lhaiyin, thing phung chung’a anakal in, Jesu chu ana ven ahi.
Jesun Zacchaeus amun, akou lhan chule aina’a ajin lhung in ahi. Zacchaeus in Jesu amunom ten jeh in, muthei na tei ding in agel’in, agel bang in Jesu amun akipah lheh in ahi.
Jesu imu nom ten’u hi ham?
Jesu mutheina dia ipin eidal tan uvem?
Jesu mutheina dia lhinlelna ipi inei uvem?
Jesu mutei na dia ipi ibol diu ham?
Zacchaeus in Jesu ana mu nom ten in, adal tan mipi ho ahin, alhin lelna atahsa nep jeh ahin, lung khe louvin adaltan mipi sanga sang, thing phung chung’a ana kal in, Jesun ahin mun, alung sung’a Jesu alhung in ahi.
Eihon jong Jesu imu nom ten uva leh eidal tan’u leiset thilse ho’a kon iki kang seuva, Bible simna lam, taona lam leh kitil khouna lam’a ikiha bol diu dol tah ahi.