Pathen thusim

Pathen thusim

Minthang tah khat hi le chun na natoh leh nahinkho thusim umdol min ahet nomtei diu ahi. Nei hinkouvin “Ka hinkho thusim iti na sun ta dem?” hinti le chun nahinkho thusim ase leh apha ka hetdoh theichan ka khol tei ding ahi. Na gol leh pai nakinai pi ho ka doh thei chan ka doh ding ahi. Nang ma hin khoa na hinsut lekha ho chule limlah ho jong ka holdoh ding angai je. Na thusim kakhol na laha chu jat 3 lama ka khol angai je: nang in iti na sei yem, min iti asei yem chule ipi nahin bol em ti ho hi ahi. Hiche thudoh ho hin Pathen hetnadia iti na ko mum: Ama le ama iti kisei ya, Ama thu midang ten iti asei juva chule Aman ipi ahin toh dem? Pathen thu lamthah beha het gil na dia hiche thudoh thum hi khol chet jing angai je. Pathen ama le ama ahung kisei na ho sim in. (Ex 34:6-7; Lev 19:2; Jer 32:27). Chujouteng leh ahinsun ho Ama leh anatoh thuumdol iti asei juvem ti kholdoh in (Ps 19:1-4; Rom 1:16-20; 1 John 4:8-10). Achainan Pathen thilkilamdang ahin toh ho chu ven (Gen 1:1; Ex 14:10-31; John 3:16).

Pathen hetdin gon. Ama thusim nei pa hin. Hichun Ama thu umdol na nagel khel lama nahin hilbe ding ahi. –Dave Branon

Mangtheilou, mita mu thei lou, Pathen bou achinge,

Tahsa mita mu theilou kisel guh vah,

Akhang khanga phatthei konna, loupina, thahatna ahi. Namin loupi kavahchoiye. Smith

Thil-iyakai hin semdoh Pathen chu na hetdoh thei ahi.