Kuki Families in Indianapolis

Pathen mapui na jal in Myanmar leh India lam a kon in America gam a Kuki chate pha chom pi ahung cheng lut thei un ahi. America gam hi gamnom tah leh chamlhatna gam ahi toh lhonin gamtina mi te ho ki suh khom na jong ahi.

Indianapolis khopi mun a Pa Thang Len Pao & Nu Lam Kho Lhing chu leh achapa lhon toh ka ki mu to un ahi. Chuleh Pa Thang Ja Lun leh Nu Cho Chong te in kon (chapa 1 & chanu 1) toh jong ka ki mu to khom uve. Chubana Dr. Vei Kho Neng toh jong ka ki mu to un ahi. Ka bon un Pa Thang Len Pao te in a ni lhah an ka ne un ahi.

Pung 2 sung vel ka tou khom un, sah le lhang thu soh jong ka sei khom un, mai lam tohgon ho jong ka sei khom uve. Khat cheh in jong Pathen phat thei boh te ho ka sim khom uve.

Hiche Indianapolis a hin Myanmar gam lam pan Chin (Hakha, Falam, Zophei, Tedim, Zo, etc) ho mi 6000 val jen aum in ahi. Ginchat lou vin Zomi Theological College a 1996 kum a school ka na kai khom pi Pastor Lal Cung Awi toh jong ka ki mu to lhon e. Ama hi tun Indianapolis Chin Baptist Church associate pastor in apang e. Chuban a Yangon a Pa Khin Maung Chin toh jong ginchat lou pin ka ki mu to lhon e.

Tu ni lhah lam chun Pa Thang Len Pao te in a Pa Thang Ja Lun toh ka tou khom lhon in mailam Kuki te khan kho thu dol pha chom pi ka sei khom lhon e. Mai lam a Kuki chate adeha Myanmar langa hi lungkhat tha khat a pan khom angai je dan jong ka sei khom lhon in phat chom na tam pi ka sei doh lhon e.

Nehkholal

Indianapolis, IN

November 23, 2010 (Tuesday)

5 comments to Kuki Families in Indianapolis

  • Dear Saya Nehlal,
    Nakhol jinna Indianapolis a Kuki ho lah na report kasim in kipa aum lheh e.
    Sayama Veikhoneng chu kahen, ahin Thang Len Pao te leh Thangjalun te nati chu Burma koi kho a kon ham.
    Kahin tao kop jing un ahi e ti eina seipih tan,

    Chule Homalin a Saya Ngamlun chu to jong kaki houmat un kipa na hin sei ahi,
    Pathen in naum pijing tahen,amen.
    Nasopi
    David Totong

  • U Lal kipa aum e ginchat lou beh in report phatah nahin bol lhon in lim jong nahin tah lang kit in. Kima het leh nel deu va ana kiki sem ta ding a hahaha..

    U Tongjam, Pa Thangjalun ati chu kei kahi e. Masang jep a skype conference a KSDF thu isei khom u nagel doh ding ka ginc chan, hiche va lulun chu kei kahi e.

  • Joshua Haokip

    Source tam tah2 upload beute ti Pakai min in kahin tem E ajeh chu Theological Students hodin research aki bol le aki genthei val in; minung aki pha joupoi. Kuki te Literature lam a hin kima nou te.
    Kipa na seichim lou nabon chung uvah kanei. Thanks alot!

Leave a Reply to David Totong Cancel reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>