Kum 3 Jail Tang

Myanmar gam sung mi atam jo hi Buddhists ahiuve. Christian ho hi 8% vel bep hi ding ahi. Christian ho hi lhom cha ahi vang in Pathen natoh na lam a nasa tah a pan la tampi aum e. A deh a Burmese Buddhist Pathen hin hou doh ho lah a kim khat hin Kipana Thupha hi ngampel in asei jing un ahi. Ka kihet pi khat amin Aung Teing kiti pa hi Burmese Buddhist a kona  Pathen ahin hou ahin, achen na khopi sunga Pathen Thu sei na a akiman in kum 3 jen songkul a khum in ana um e.

Songkul a kon ahin lha doh u chun Pathen Thu sei ta lou ding in gihna ape un ahi. Ahin Kipana Thupa sei lou thei lou ahi jen in Tamu gam langa ahung in muntina Kipana Thupha alhangsap len ahi. A thusei ka jahna a Kipana Thupha jala songkula kum 3 ka um ajeh chu ka gel gel leh ka he doh e atin, kum 1 chu Papathen mina tang, kum 1 chu Chapa Jesus Christa mina tang, kum 1 chu Lhagao Theng min atin kipah tah in asei phong in ahi.

Songkul sunga kum 3 sung tan kiti hi bai lou beh ding ahi. Ahung doh a jong chu gimkhop set na hi ding ahi. Tukal gel jong geltah beh lou ding, sei jong sei tah beh louding, toh jong toh tah beh lou ding dan ahi. Ahin aman Kipana Thupha sei phong chu anga deh poi. Kuki Christian te laha jong Christa Kipana Thupha lhangsap jal a kon a thoh genthei thoh jong tampi um ding ahi.

Chutabong ito teng u leh iso piu Aung Teing hinkho thusim a kon a tha ikilah diu vin tem ihiuve.

11 “Keima jal’a min nabolset, nahouset’uva chule nang ho douna jouthu le thu gilou ijakai naseikhum tengu leh anun nom nahiuve.

12 Hitobang tah a hi nang ho sanga masajo Themgao ho jong anabol setsau ahitai! Kipah-un tha nom’un, van a nasan diu kipaman tampi akikoiye (Matthew 5:11-12).

Pathen in tha hat na ei pe cheh u hen.

 

Nehkholal

November 7, 2010

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>