Thinung Umdol

Thinung Umdol

Houthu kihil na atam jon “thi nung a hinkho umbe ding” ti asei un ahi. Ahin thi nunga hinkho iti um dingti kichen tah a het ahah sai. Buddhists ho tahsan dan a, mihem hinkho hi avel vel a peng son son a, achai na kheh teng leh hiche pensonna kon a manhel chan dinmun lhunga, hichu mihem hinkho angahna ahi tai atiuve. Christiante tahsan dan chu ahi le, mihem tahsa leh lhagao tin aki khen in, atahsa thi ta jong leh alhagao hinkho um jom jing na lai ti ahi.

Thi nung a iti um ding ti hi aki he nom lheh e. Paul in Corinth kho mite henga asei na a, “tahsavou pua kivuilut ahin, lhagaovou pua kikaithou ding ahi” tin (1 Cor. 15:44) sunga asei je. Hiche lhagaovo umdol vang chu Paul in jong kichen tah in asei doh poi. Mihem thi nung umdol hi kichen tah a het nom ahi vang in, het doh thei ahi poi.

Hiche thinung umdol thu hi OT sunga Job lekhabu a jong “A-khonung thuu Pathenin aimpeh-in” (Job 3:23) tin aki sun kit e. Sei be thei chu ahi leh mihem tahsa thinunga a hi hinkho kiti hi um jing na laiya, ahia hiche hinkho um dan chu tua ei ho tahsa umdol tabang hi lou chule jong eiho tahsa ahing laiho chihna a het doh thei hi lou ti ahi.

Tahsa a hing ho chihna a hetdoh thei lou ahi vanga chu lung khea um ding hilouva, tahsa hinkho nei sunga Pathen lung dei jo chan a bol a, ama lhung lhaina a um ding thupi ahi. Jesun ajah a, “Keima hi Lampi le Atah chule Hinna chu kahi, Keiya kona chelou chu koima Pa kom alhung theipoi. Keima nei he leu chun ka-Pa jong nahet diu ahin, tukal’in vang Ama chu namu tauvin hejong nahetauve,” ati (John 14:6-7).

Nehkholal
November 6, 2010
Martinton, IL

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>