HBS School Kaipan Dingta
Hope Boarding School hi Myanmar gamsunga chapang lekha sim sang nom ho dinga hung ki tung doh ahi. Kum 2010-2011 themzil kum chun lekha sim chapang mi 24 (pasal 19 leh numei 5) ana hiuve. Hiche mi 24 laha hin dammo jeh in mi khat in examination ana bol thei ta poi. Mi 23 laha mi khat hi insung hahsat jeh a kum 3 lang jen school kai ana ngah ahin, lekha simna lam toh ana kigam lat jeh in exam ana pass jou ta poi. Hiche hi ama lhahsam jeh leh them mo jeh ahi pon insung hahsat jeh ana hi. HBS a lamkai hon jong lung set leh hethem pum in aki tha peh jing in ahi.
Kum 2011-2012 themzil kum ding in mi thah 6 (pasal 1 leh numei 5) aki lah ben ahi. Ama ho hi Valpabung numei mi 2, Titsetgone numei 1, Bokkan numei 1, Kanan numei 1 leh khampat pasal 1 ahiuve. Tun HBS a themzil chapang mi 30 (pasal 20 leh numei 10) kitoh chat aphau ve. Amho hin phate cha them ahin zil doh u leh jat le nam sung a lekha them tam pi hung um ding ahi tai. Ama ho mi 30 leh aching akem oiya ho din tao peh jing u te.
Nehkholal
May 31, 2011
Leave a Reply