Pathen mapui na jal in kum 2004 kum a ka napat MA (Philosophy) hi tukum 2011 April lhan ka jil chai tan ahi. Hhiche MA ka jil hi Yangon East University a kana pat ahin, final kum in Yangon University a ka na ki chon in, Final Exam peh ding nikho leh US Embasshy a interview nikho akito jeh in ka MA exam ka na bol man ta pon ka ahi.
US gam a kon a ka hung ki nung le jouvin MA ka kaiban ka jom kit in ka hi. Hiche MA chaitheina ding in Thesis khat “A Philosophical Analysis on the Concept of Marriage in Kuki Culture” ti ka sun in ka ahi. Hiche jong hi ka Professor hon ei khut san peh u ahi tai. Chule exam result jong asoh tan MA (Credit) in ka pass in ka hi.
Hiche MA ka jil hi America gam langa ka ga um kah toh agom in kum 8 jen ka bol in ka hi. Hiche kum 8 sunga hi lung lhahna thei tampi ana um e. Ban jop tah lou ding ti chan a ka lung kheh na jong vei tam pi ana um e. Ahi a ban jop a MA chaitei dinga ei thapeh jing ka ji nu Kikim (Vahneikim) ahi. Ama jal a hiche MA ka sim chai ahi. Aman ei tha peh lou hi leh hiche hi ka na ngah ding ahi tai. A jeh chu MA jil hi sum le pai jong tampi abei jin, chule phat leh hun jong tam pi abei je. Sum leh pai chuleh phat leh hun tam pi ka man na chunga lung hang lou hel a ei pan pia, ei tha peh jing ka ji Kikim chunga ka kipa na alen e.
Hiche MA hi mailam a khangthah them jil ho til khou na ding in apha lheh in ahi. Hiche ka bol hi tu tua ka bol lhon Hope Boarding School a them jil chapang 30 in aphat chom pi lhehun ahi. Mailam a Pathen in hiche MA degree mangcha a ei khan tou sah be diu ki nep aum jing na lai je.
Nehkholal
May 29, 2011
Yangon
Dear Saya Neh Lal,
Keihon jong nalolhin na MA hopisel a nachai nachung a kahi kipa pi un ahi.