Yangon khopi sunga Kuki chate pha chom pi aki cheng tai. Atam jo hi hou lang a na tong leh Bible School kai ahiuve. Kinep pi um tah tah mi nu leh mi pa din mun a ding thei ahung tam jep jep tan lung nop jong aum lheh e.
Hope Boarding School changpang ho lamkainan Chavang Kut tunin (October 15, 2011) nom tah in aki mang khom e. Township chom chom a kon in jin gun tah tah mi 30 val jen ahung lhan kipa aum lheh e.
Dr. Nehkholal leh ainnei pi Nu Kikim (HBS) in tunia Chavang Kut kibol lo na ajeh leh ahung lha mipi ho lemna thu asei lhon e.
Yangon kho pi North Dagon a cheng Pa Letjangam in Chanvang Kut Thusim ahet chan tulai khang thah te het din houlimna anei jin ahi. Malaiya pu le pa te hon Kut ana bol jiu hi Pathen Thangvah na dia jop jing din aphai tin houlimna anei je.
Rev. Dr. Yampau (AGS, MCC) in jong khang kikhel dol thun ahoulim e. Masang chun mihat leh mithem ho lamkai jin ana pang in, ahin tukhang hin miching Pathen ging leh he ho lamkai jin apang tai ti thu jong asei je. Chubana tudin mun igamsung uva Democracy hung kipan ahi tan ei ho lah a jong ministers leh president chan tet theina dan ahung um doh tan tulai khang thah te ho din jong kinep aum je dan thu jong asei je.
Rev. Dr. Thong Hlun (Pastor, KBC) in jong chihna thupi je thu asei phong e. China neiya Pathen na toh leh chihna nei louva Pathen na toh aki bang poi. Mi tin Pathen na tong dia kipe doh thei ahi nai, ahin chihna nei leh chihna nei lou kipeh doh akibang poi. Solchah Paul jong ama khang laiya dia tahsa lam leh lhagao lama miching tah khat ana hi nahin, Gospel Kipana Thupha nasa tah a ana phon jal ahi.
Nu Cinkhoneng in jong themzil chapang ho din tilkhou na thu asei je. Themzilna a hi hahsat na tam pi um ding ahi. Ahin hiche hahsat na ho chu ithoh law-u um ahi. In langa genthei hahsat thoh chu kimoh thoh ahin, Yangon genthei hahsa thoh hi thoh law um ahi. A jeh chu chihna thepna hol ihiu jeh uva thoh law um ahi.
Rev. Kamkhothang in jong themzil chapang ho til khouna anei je. Thepna izil nom leh thepna mu na thei muna um ding angai je. Mipa khat in achate ni Burmese pao ahet lou leh khang tou lou ding ti ahe doh in achapa te ni Burmese ho henga achen sah e. Tun Hope Boarding School a themzil khangdon ho Pathen in a khohsah ma man ahi. Hiche HBS mun a kon a khantou thei na pao Burmese leh English pao jong na het thei u ahi tai. Pao sim lou Computer leh hetna chom chom jong na het be thei u ahi tai.
Chavang Kut-2011 (Yangon)
PROGRAM
Aphat 1:00 pm to 5:00 pm
Amun: Hope Boarding School
Anikho: October 15, 2011
Kipat taona                       Rev. Ot Kho Thang                   (Pastor, KWS, Yangon)
Lemna Thusei                    Dr. Nehkholal & Sayamah Kikim, (HBS, Yangon)
Mipi lasah                        Aw Thinglhang Gam
Kut Umdol houlimna             Pa Letjangam, North Dagon
Group Song (HBS) Â Â Â Â Â Â Â Â Â Â Â Â Â Â Â Leiset Gentheinamun
Sakhipanna                       Neng Nei Cing         (Class 7, Twidimjang)
Solo                              Let Kho Lal                    (Class 8, Twidimjang)
Solo                              Neng Khan Cin         (Class 5, Valpabung)
Houlimna                         Rev. Dr. Yampau      (AGS MCC)
Sakhipanna                       Lhing Nei Lam         (Class 6, Bokkan)
Solo                               Lun Gin Kap           (Class 8, Sawpakai)
Solo                               Lam Kho Tong         (Class 6, Bokkan)
Houlimna                         Rev. Dr. Thong Hlun    (Pastor KBC)
Sakhipanna                        Pao Min Thang                (Class 5, Lhanglailha)
Solo                               Pao Min Thang         (Class 5, Lhanglailha)
Solo                               Lung Gin Mang         (Class 7, Sawpakai)
Houlimna                          Nu Cin Kho Neng            Insein, Yangon
Solo                                Thang Za Ngam         (Class 6, Khampat)
Solo                                Hat Nei Hoi             (Class 6, Valpabung)
Houlimna                          Rev. Kam Kho Thang    (Professor, MTC)
Solo                                Sayamah Nei Ja Kim       (BTh Final Year, TSTM)
Mipi Tao
Thupha pehna                      Rev. Dr. Yampau
An kong soh khom cheh u te!
Aw Thinglhang Gam*
Thinglhang gam lungset um lenna gamlei,
Pi le pu chondan in alam ui;
Se lunga mil thei lou aw Zougam lei,
Thinglhang gam gol le pai te len na.
Aw thinglhang gam, gol dei te ho,
Pi le pu chondan in lam u te;
Se lunga mil thei lou Aw Zougam lei,
Thing lhang gam gol le pai te len na.
Lungset um thing lhang gam gol dei te ho,
Gal doh chim louvin se lung aleng;
Se lunga mil thei lou aw Zougam lei,
Thing lhang gam gol le pai te len na.
Ka ngai ngei gol dei te lenna gam nom,
Pu chon pa chon namtin pah na gam;
Se lunga mil thei lou aw Zougam lei,
Thing lhang gam gol le pai te len na.
*https://www.kukichristian.net/2011/08/aw-thinglhang-gam/
Â
Taona
-Students ho lekha athep uva miching mipha ahung so doh theina ding
-Insung mite jouse damtheina ding
-Banjom a HBS toh jom theina ding
-Avat dang dang ho
 Students Ho (2011-2012)
| No | Khomin | Misim |
| 1 | Sawpakai | 2 |
| 2 | Moldum | 1 |
| 3 | Jangnoi | 1 |
| 4 | Joljam | 1 |
| 5 | Lhanglailha | 1 |
| 6 | Valpabung | 2 |
| 7 | Napalong | 1 |
| 8 | Tamu | 1 |
| 9 | Twidimjang | 3 |
| 10 | Bokkan | 9 |
| 11 | Canaan | 5 |
| 12 | Tingkaya | 2 |
| 13 | Khampat | 1 |
| Gom | 30 |
Dr. Nehkholal & Kikim (Hope Boarding School)
Yangon
Sopiteho, damsela Kut naman chai u chu kipa aume, ahitheileh limho jong hin upload leu chun phalheh inte, epu-epa teu chondan hohi eiho tua khangthah ten echoisang lou uleh koiman eihedoh tapouvinte, kipa aume ti kalin seiding dang kanei poi, nabol hoilheh uve, Pathen in nabon chaovin phatthei naboh cheh taohen.
with regards,
Mangboi Haokip
Pallen, Manipur
Damsel a kut loupi teho naman chai thei tah jeh uvin kahin kipa pi lheh uve.
chule USA lang chu ahi leh eiho lang toh season ki to tah lou jehin ama bol doh tau vin.
eiho manipur lang le Myanmar gam sung ahohin nikho kinai dom cheh ahi ibol ule pha lou ding ham tia kahin tem nau ahi. Nov 1 le Homalin aum kit ding ahin hiche ho them them akon a chu kilung pel na hung um thei ding ham ka ti ahi.
Dear Seigin:
Chavang Kut thua comment na hin bol kipa aum e.Ani kho chu November first week sung a bol ding jong ka na ngai to un, ahin HBS Students ho Suty sunga ka bol nom jeh uva October 15, 2011 sunga ka na bol khah doh u ahi tai je. Ni kho kibang thei leh vang pha lheh ding ahi nai je. Mai lam teng leh hiche nikho a man thei ding in hung ki gel kit tan te.
Dear kasopi te ho,
Tunia rangoon khopi mun na Chavangkut akimang tai ti thu aki simdoh jeh in kakipa pilheh u ve. Masang lai chun Kuki nam kiti hi kiseidoh ngamlou leuva hinkho ani kimang ahin tuni a inam min u tahlang a aum thei jeh in Pathen kathang vah e. Ani na ah Thadou,Kuki a kiboi talou va Kuki ihin pomthei sohkei tah jeh uvin jong kipa aum lheh e. Kahin seinom na ajeh chu 2004 keima jail a kahung potdoh jeng in jong Rangoon nah KSO form ding akiti leh Thadou, Kuki thu akiki niel nilhum in tuni chen gei in lungdei bang in KSO yangon mun nah a function thei poi. Ahin tunia Yangon a um Kuki chaten Kuki ahin pomthei uhi mailam a ding in kinep aum lheh e.
Nasopiu,
Paulneo
Dear Paulneo:
Comment na hin bol kipa aum e. Ni dang a kum seh leh mijat dang ho lamkai na noiya ga ki lam ji ahin, tukum a hi koi ma jat dang bel louva ka ki bol doh u ahi tai je. Kigon na phat alhom jeh in khangdong ho vang ahung lha jou pouve.
Kho vei teng leh phate cha kigona Chavang Kut mina mun loupi khat kom a, Music Band khat toh, jat dang ho Tedim, Falam, Hakha, Mizo ho chan a tepa bol ding ngaito na aki nei jin ahi.
Burma, Myammar gam sung KUT mangkhom thei sopite nabonchai un kahin lem uve.