8 Mile Christmas 2010

Yangon khopi lah a 8 Mile (Junction 8) mun hi mun thupi khat ahi. Hiche kim vel a hi seipai, sum kol vei ho leh Burmese ngen achen uvin ahi. Hiche lamka som hi car, bus, leh che le vah le tam na pen khah jong ahi. Lam len hi Pyi Road akitin Myanmar gamsung a ding lamlen masa loi leh akimang pen loi ahi tai.

Hiche lamka som mun a hin lhangphong a Pathen thusei theina aum pon ahi. Che le vah le jong atam in nom taha thusei theina jong um thei lou ahi. Hiche mun a hi Christmas man ding ana ki ngai ton ahin, mun ong lai jong aum poi. Christmas bol thei tei na din ha tao vin ka na tao uvin ahi.

Chutia Christmas ka man nom u thu chu ka chennao inden chunga cheng Major pa khat in a he doh in, ahung in, “Lung hi mo hih un, Christmas na bol ding teng u leh kei man hiche mun a car jouse mun chom a atol doh na diuvin sei nang e” atin ahi.

Hiti chun December 24, 2010 ni a man ding in ka ki gong uvin ahi. Hiche nil hah ma chun jan kho vah in lamlen pam leh lai dunga sepai leh police duty apang kit un, ei ti jat sah lheh un ahi. A jeh pen jong aki sei doh pon, ipi pen jen jong aki dong ngam poi je.

Ahin Pathen song in ka tohgon u chu bol tei ding in ka ki gong uvin ahi. December 24 jing kah matah in ka thouvin, taonan ka lhan doh un, an kong (Mok-hen-kha) neh na ding dokhang (table) ho, touna (chairs) ho ka doh toh un ahi. Lampi jouse aki khah tan, ka kigon nao lo lhing jou ding hi nam tin dip chah chah in ka ngah un vin ahi.

Christmas

Chutia gahna aki mu jeh in students ho jong na tong ding kham bep ka mang un, adang se chu in den chung langa ka um sah un ahi. Phat soh louvin, hiche lampi a chun Myanmar gamsunga Sepai lamkai len pen pa leh aloi ho ahung un, 8 mile ajot jouvin pha te chan Christmas an kong um na leh thuseina ka nei thei yuvin ahi.

Hiche nikhoa chu 8 Mile kimvel a cheng ho, chule Yangon University a professors ho jong aki tem in, Gospel Tracts jong 150 vel aki khom doh in, chu le Christmas kipana thupha jong ahung jouse aki sei peh in ahi. A hung ho chu Buddhists (Burmese) ngen ahiuvin, aki pah thei lheh un ahi.

Hiche tabonga 8 Mile mun len pia Christmas bol kiti hi thil bai ahi pon, ahia Pathen deina um ahi jeha hitabong chu ki bol thei ahi. Pathen in asim jouse Kipana pe jing ta hen!

Nehkholal