Tonsot Lungsetna

Leiset hinkho sunga hin natna nasatah ahung lhung jin, hinkho abeiyin hinsotna le tonsota umthei thil aumpoi. Nadei tah thil chu nahajah behseh jalin semphat din aumin, nei le gou nalutsahho joh louvin, inching ava chet chutin, lhonga kipha pheh asen athah choh angaiyin, insung mite kiloikhomna thohlel dou le asoh gamtan ahi.

Pathen lungsetna tilou tonsot thil imacha aumpoi. Labu 136 sunga tonsota Pathen lungsetna hi vei 24 aseiyin ahi. Thil ipi hijongle ichan chunguva Pathen thangvahna nei ding le “Alungset long louvin tonsot’in athoh jinge” ti thu asunin ahi.

Hiche hin ipi aseinom phatah-in ngaiton. Eihon Pathen ging louva athu jong nit louva chonset ibol tengu alungset long lou chun tonsota athoh ahi. Hikho sunga duhdahlou tah, thet le kidah umtah-a iki manchah tengu ama tonsot ngailutna chun athoh ahi. Bel ding nei louva lung lengvaiya ium teng tonsot ngailutna chun athoh ahi.

Nitin hinkho sunga hahsatna le boina, dammona, thunoh jat chom chomin eilhun khum tengu jongle tonsot ngailutna chun athoh ahi. Hijeh chun hinkho sung muthim jing jongle Pathen thangvah ding ahi. Ajeh chu Pathen lungsetna hi tonsota thah jing ahi._ JDB

Pohgih alet le lungsetna alene.
Khantouna aum teng natong ding apun sah e;
Bolsetna chu lungsetnan aben,
Patepna apun bangin chamna jong apunge.-Flint
—————————–
PATHEN LUNGSUNGA KONIN LUNGSETNA ALONGE.

September-October-November 2001

September 1, 2001 Saturday

2 comments to Tonsot Lungsetna

  • John Neitham

    Pu. Admin,
    Hiche website nahin guon doh uhi kahin kipapi lheh e. Hitobang a gam leh nam a ding a phatchuompi thei ding ho nahin bol doh uhi kakipah in, chuleh hiche sites akonin ken jong kaphat chom pi lheh in ahi. Maban a hoijo cheh le apha jo cheh a nahin bol tou diu kakinem e.

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>