December 27-31, 2012 ni kho sung in a 3 vei na Kuki Christian Convention chu Tahan Theological College, Tahan, Kalay Myo, Sagaing Region, Myanmar mun a, ana ki bol in, Pathen mapui na jal in lo lhing tah in ana ki mang chai tan ahi.
Tu chung khopi a zin gun leh thuhil a pang hi United States of America gampana Chuck leh Mary Ann Cherry te nu pa ahi lhon e. America gama kona mi 5 (Chuck, Robin, Mary Ann, Missy, Laura), jen hung ahiuvin, Kalay Myo to Yangon Airline ki le ni ding nikho hi, aki le na diu ni kho hom ahi thei tah lou jeh in, Kalay Myo langa mi 3 ahung lha thei ta pouvin, Yangon a Hope Boarding Students ho toh nom tah in, phat amang u vin ahi.
Tu kum Kuki Christian Convention hung lha mi sim abon in 300 aphan ahi. Misim hi kitoh chet a sim toh ahah san, pi lhing min hin sun doh ho chu mi 281 aphan ahi. A kisim cheh thei louna ajeh chu chapang ho jong pha chom pi ahung pang un, chule khopi ki man sung in mi pi ahung be pha chom pi aum in ahi.
Hiche khopi a hung lha ho hi Township 6 a kon ahin, kho 18 a kon a hung ahiuve. Hiche township leh kho ho chu: 1. Layshi Township (Jangnoi, Shwepyita, Joljam), 2. Homalin Township (Maingdaung, Myenigone), 3. Tamu Township (Valpabung, Nanpalong, Tamu, Namihan, Twidimjang), 4. Myotit Township (Mantong), 5. Khampat Township (Bokkan, Kanan, Tingkaya, Khampat no 3) and 6. Tonzang Township (Sulpi, Khotei, Mongjang). Chenna gam kai agom in Township 6 aphan ahi.
Khopi a hung lha tahsan cha te ho hi houbung pawl chom chom a hung lha khom ahiuve. A hung lha houbung ho chu ahi le: 1. Kuki Christian Church-Myanmar, 2, Kuki Chin Baptist Association, 3. Thadou Baptist Association, 4. Roman Catholic, 5. Assembly of God, 6. United Pentecostal Church, 7. Presbyterian Church of Myanmar, 8. Salvation Army, ti ahi.
Tu chung thupi hi “Van-a Na lung chan aki bang in, kei ho chunga jong Na lung chan kim hen†ti ahi. Chuck leh Mary Ann in hiche thu lu pansan thusei na leh kihilna anei lhon in, apat a pan in achai chan in English paova pat in Kuki paovin pao ka len, mipi te ho aki pah thei lheh uve.
Pakai Taona ti Christian te hon isim jing u thu hi ki lho khon ahin, ni kho 2 sung in aki chai man pon ahi. Tu chunga ki hilna a ki mang chu thu lu 3 aum e. Hiche ho chu ahi le: 1. Na min ki ja hen, 2. Na Gam hung lhung hen ti leh 3. Na Lung chan kim hen ti thu lu thum ahi.
Chuck leh Mary Ann thuhil kichai jin mipi te ho thudohna phat aki hong in, hiche phat sung in jong mi pha bep in hatchet lou, het nom thu ho chu doh nom nom dohna ahiin nei uve.
Kum dang lha danga chu Khopi aki bol leh, mipi te ho thudoh na phat kipe ji louvin, hiche KCC-Convention (Khopi) sung hin koi ma jouse hetlou dohnom dohna phat aki hong jing in, thudohna leh ledonbut na phat nom, phat man lu tah aki mang khom e.
Leave a Reply