Motorcycle leh Truck accident a kon mi khat hinkho bei, mi 2 nasa taha lem
March 17, 2013: Ni lhah lam chun Khampat No 3 venga cheng Pa On Kho Mang leh aji nu chu truck khat in atah khan, aji pa hi nasa tah in alem in, aji nu chu amuna ahin kho abei tan ahi. Ave che pa Mr On Kho Pao ma motorcycle in atah kha kit in, aban gu abong in, atah sa lah nasatah in aki tong khai.
Thilsoh na mun hi Canaan kho leh Khampat kho ki kaha kido thih lei ni ki kaha kitong kha ahiuve. Pa On Kho Mang leh aji nu hi Tamu pana motorcycle a hung kipo lhon ahi. Canaan kho akhol kal lhon ding kon in, lampi bol na engine po truck khat chu akhol kal lhon in ahi.
Hiche truck akhol kal jou ma jep chun, mai lam a kon in motorcycle khat ma nai tah a, ahung lhai lut in, ama pan jong amai lama motorcycle ata khah ding phat chun, truck lang chu agah neh jep in, hia chun anung lama tou aji nu chu motorcycle chunga kon in, lampi chunga aki leh lha khan ahi.
Anung a, nai cha a hung lhai Truck hol pa jong chun truck break akham man ta pon, ama sanga Pa On Kho Mang leh ajinu chu atat kha tan ahi. Pa On Kho Mang chu amal gu atat bong in, amai leh alu lam jong aki tong khan, aji nu chu truck in atang in, achil khan, apet pet chun ahin kho abei pai tai.
Hiche thilsoh khol toh a che Canaan kho a Khangdong lamkai Pa Thang Kho Pao jong chu thilsoh khola kon ahung ki le lam chun, Tingkaya khoa pan a, ju kham set a motorcycle a hung tou Burmese mi nin atat kha kit lhon in, nasa tah in alem kit in ahi.
Tun Pa On Kho Mang chu Kalay Myo lam a kijen din apo pai un, Pa Thang Kho Pao jong Kalay Myo lama poh din agongun, Pa On Kho Mang ji nu vang chu Khampat Hospital a doctor hon check abol diu vin akoi un ahi.
Truck leh driver pa chu Khampat Police Station muna ahen uve ti thu aki jan ahi.
Leave a Reply